Fiksé kòw lòbjèktif pou périòd Mémoriyal-la

Chak lanné, sèvitè Jéova présé pou konmémoré ansanm Mémoriyal-la. Nou ka pwofité sé dispozision èspésial-la nou ni, sé simenn-lan ki avan épi apré Mémoriyal-la, pou gloriyé épi di Jéova mèsi pou kado ranson-an (Éf 1:3, 7). Kontèl, nou ka travay rèd pou envité sé moun-lan adan Mémoriyal-la. I ni yonn-dé ki ni laposibilité ranjé pwogram-yo pou vini pionié òksiliè mwa maws oben avril pou 30 oben 50 lè. Ès ou té ké enmen préché plis pandan périòd Mémoriyal-la ? Kisa ké endé’w fè sa ?

Souvan, nou ka rivé fè plis bagay lè nou ka fè an pwogram alavans (Pw 21:5). Kon périòd Mémoriyal-la toupré, lè-a rivé pou nou òwganizé kònou. Kidonk, katjilé asou sa’w té ké enmen fè pou préché plis pandan périòd-tala épi désidé sa’w kèy fè pou rivé. Apré mandé Jéova béni éfò ou ka fè (1Jn 5:14, 15).

Ès ou pé katjilé asou sa’w pé fè pou préché plis pandan périòd Mémoriyal-la ?