Koumanniè nou pé endé moun ki viktim an katastwòf

Jòdi-jou, nou ka jwenn plizanpli katastwòf natirèl. Lè i ni an katastwòf natirèl, sé opérasion soukou-a dwèt bien òwganizé épi suiv menm larèl-la. Sé pou sa, adan tout sé filial-la, Komité santral-la mété an plas an sèvis opérasion soukou.

Si ni an katastwòf, lamenm sèvis opérasion soukou-a ka pran kontak épi sé ansien-an pou sav kisa sé pwoklamatè-a bizwen. Si adan zòn-lan ni twòp déga pou sé pwoklamatè-a jéré tout bagay-la yo menm, filial-la ka nonmen frè ki kapab pou yo dirijé sé opérasion-an. Sé frè-a kèy mandé volontè, ouben matérièl èspésial, ouben yo kèy achté founiti pou yo distribié la yo yé a.

Jéré an kriz manniè-tala ni an patjé avantaj. Sa kay anpéché nou fè menm travay-la dé fwa, mélé kònou ouben gaspiyé lajan épi matérièl paskè nou désidé fè bagay-la nou menm.

Sé frè-a filial-la kèy vréyé a, ké gadé konben lajan épi volontè ki nésésè. Yo pé alé wè sé lotorité péyi-a, ki an jénéral pé ba nou an pal pou alé pli vit. Alò souplé, nou ka mandé’w pa désidé rékòlté lajan, pa voyé founiti soukou épi pa alé koté-a ki sinistré si yo pa mandé’w alé.

Sa vré, nou lé endé sé frè épi sé sè-nou an (Éb 13:16). Nou enmen yo ! Alò kisa nou pé fè ? Pli enpòwtan-an sé prédié ba sé sinistré-a épi sé moun-lan ki ka endé yo. Nou pé osi fè don pou travay-nou vansé asou tout latè-a. Anba dirèksion Komité santral-la, sé filial-la pli bien plasé pou sav koté lajan-an pli nésésè. Pou fini, si nou volontè, nou pé plen an Demande d’admission comme volontaire local de développement-construction (DC-50) pou di ki tan nou disponib.

GADÉ VIDÉWO-A BIDIM LAVALAS NÉYÉ BRÉZIL, APRÉ RÉPONN SÉ KÈSION-TALA :

Kisa ki fè’w pèd vwa’w lè’w gadé sé opérasion soukou-a Témwen-d-Jéova mennen apré dlo monté Brézil an 2020 ?