LAVI AN KRÉTJEN
Yo ka travay rèd ba nou
Sé rèsponsab siwkonskripsion-an épi madanm-yo ni ba sé frè é sè-a an lanmou ki pa ka atann ayen dèyè. Kon nou menm, i ni bagay yo bizwen, délè yo fatidjé, yo pé dékourajé, oben yo entjèt (Jk 5:17). Magré sa, chak simenn, yo ka sousié kòyo an prèmié di sé frè é sè lasanblé-a yo ka vizité a, é di manniè yo pé ankourajé yo. Asiré, sé rèsponsab siwkonskripsion-an « mérité dé fwa plis lonnè » (1Tm 5:17).
Lè lapòt Pòl té ka préparé vwayaj-la pou Wòm, sé té pou i té ba lasanblé lokal la « an kado èspiritièl ». É i té ja tou kontan pas yo té kèy ‘ankourajé kòyo yonn a lòt’ (Wm 1:11, 12). Ès ou ja réfléchi asou manniè ou pé ankourajé rèsponsab siwkonskripsion’w lan, épi madanm-li si i mayé ?
GADÉ VIDÉWO-A LAVI AN RÈSPONSAB SIWKONSKRIPSION ADAN AN TÉRITWÈ LAKANPAY, APRÉ RÉPONN SÉ KÈSION-TALA :
Ki manniè sé rèsponsab siwkonskripsion-an épi madanm-yo ka montré yo ni ba sé lasanblé-a an lanmou ki pa ka atann ayen dèyè ?
Ki bienfè wou menm ka trapé lè yo ka vizité lasanblé’w la ?
Ki manniè nou pé ankourajé yo ?