Sé zimaj-la pé aprann ou an patjé bagay

Piblikasion-nou ni anpil zimaj ki ka ansénié nou vérité ki enpòwtan. Koumanniè sé zimaj-tala pé endé’w ?

• Avan ou koumansé li an awtik, gadé sé zimaj-la. Yo pé lévé tjiriozité’w épi ba’w lanvi li awtik-la. Lè zié’w ka wè an manjé ki apétisan, sa ka ba’w lanvi « gouté’y ». Menm manniè-a, ou ké anvi li awtik-la si’w ka gadé sé zimaj-la avan. Alò, avan ou koumansé li, mandé kòw : « Kisa man ka wè asou sé zimaj-la ? » (Amòs 7:7, 8).

• Toupandan ou ka li awtik-la, mandé kòw poutji yo chwézi sé zimaj-tala. Li sé léjann-lan, épi sé dé-twa mo-a yo ka ba’w asou sé zimaj-la. Mandé kòw ki rapò ki ni ant sé zimaj-la, épi tèm-lan ou ka ègzaminé. É mandé kòw tou, koumanniè ou pé aplitjé sé lison-an yo ka aprann ou.

• Lè’w fini li awtik-la, sèvi sé zimaj-la pou viré-sonjé lidé ki enpòwtan. Éséyé raplé kòw di mésaj-la ki té dèyè chak zimaj.

• Gadé sé zimaj-la ki adan jounal-tala pou wè si’w ka viré-sonjé lidé ki enpòwtan yo aprann ou.