Poutji Témwen Jéova pa ka sèvi lakwa adan adorasion yo ?

Anpil moun ka konsidéré lakwa kon sel sinn pou tout sé krétjen-an. Nou sé dé krétjen, mé nou pa ka sèvi lakwa adan adorasion nou. Poutji ?

Déja pou yonn, Bibla ka di, Jézi pa mò asou an kwa, mé anlè an poto an bwa. Anplis, Bibla ka di an manniè klè pou tout krétjen : « Chapé douvan zidòl. » Kidonk, fòk pa yo sèvi lakwa adan adorasion yo (1 Korentyien 10:14 ; 1 Jan 5:21).

Lè’w bien gadé sa Jézi ka di : « Konsa tout moun kay sav zòt sé disip mwen : si zòt ni lanmou yonn pou lòt » (Jan 13:34, 35). Jézi té ka mété an valè sa ki ka fè an vré disip, sé lanmou ki ka pousé moun fè sakrifis yonn pou lòt, é non an kwa oben imaj pou adoré.