Viv épi an maladi toulong : Ès Bib-la itil ?

Répons Bib-la

Wi. Bondié ka sousié kò’y di adoratè’y ki malad. Pami yonn di sé adoratè’y, nou ka li an Bib-la : « Jéova kay sipòté’y [...] pandan maladi’y » (Sòm 41:3). Si ou ka viv épi an maladi ka diré, sé twa pwen-an nou kay wè pé endé’w :

1. Mandé Bondié lafòs sipòté sitiyasion-an. Ou pé risivwè « lapé Bondié, ki pli gran pasé tousa nou pé konprann ». Gras a sa, ou kéy mwens entjèt é ou ké pé sipòté maladi-a pli fasilman (Filipien 4:6, 7).

2. Fo ou pozitif. Labib ka asiré : « Tjè kontan sé an bon rimèd, men an lèspri ki fondré ka fè’w pèd lafòs » (Pwovèb 17:22). Fòk ou sa bay lablag. Tibren rigolad kay kléré lé jou sa pa kay alé. Épi, sa bon pou lasanté.

3. Rann lèspérans-ou an lavni pli fò. An lèspérans ki solid pé endé’w ni tjè kontan magré an maladi ka diré.(Women 12:12). Dapré Bib-la, talè nou kéy viv an épòk éti « Pa an moun an péyi-a pé kéy di : “Mwen malad” » (Izayi 33:24). Bondié kay djéri tout maladi ka diré éti lamèdsin jòdi pa ka trouvé rimèd. Olié nou viéyi nou kèy viré jenn. Bib-la ka palé di gran nonm-lan konsa : « Lachè’y ké vini pli fré ki antan i té jenn ; i ké viré vini kon lè i té jenn épi fò » (Jòb 33:25).

Nòt : Menm si yo asiré ki Bondié ka pwotjiré yo an èd réyèl, Témwen Jéova ka pran trètman médikal pou swen maladi ka diré (Mak 2:17). Sèlman, pani an trètman yo ka konséyé’w èspésialman ; yo ka konsidéré ki sé chak moun-lan ki pou chwazi sa pou yo fè adan domenn-tala.