-
Annou ba lavi-a valèViv an bèl lavi pou toujou ! (An létid Labib ki pé pwofité’w)
-
-
5. Rèspèkté lavi an timanmay ki pòkò fèt
Épi pawòl poézi, David ka palé anlè lentéré Jéova ka pòté ba lavi an timanmay ki pòkò fèt épi manniè i ka grandi an bouden manman’y. Li Sòm 139:13-17 épi diskité kèsion-tala :
Pou Jéova, lavi an moun ka koumansé dépi an bouden manman’y, oben jou nésans-li ?
Lwa Jéova té ba pèp Izrayèl-la té ka pwotéjé sé manman-an épi timanmay-yo ki pòkò té fèt. Li Ègzòd 21:22, 23 épi diskité sé kèsion-tala :
Ki manniè Jéova té ka wè an moun ki té ka tjwé san fè èspré an timanmay ki pòkò té fèt ?
Ki santiman ki té ké an tjè’y si an moun té fè sa pa èspréb ?
Sa’w ka pansé di manniè wè Bondié asou sa ?
Adan yonn-dé sitiyasion, menm an fanm ki ka ba lavi-a valè pé pansé ki avòté sé sèl solision ki ni. Li Izayi 41:10 épi diskité sé kèsion-tala :
Si yo ka fè présion anlè an fanm pou avòté, ki moun ki pé endé’y a moman-tala ? Poutji ?
-
-
Annou ba lavi-a valèViv an bèl lavi pou toujou ! (An létid Labib ki pé pwofité’w)
-
-
b Moun ki ja avòté pa pou santi kòyo krazé anba kilpabilité. Jéova pé padonnen yo. Pou sav plis, gadé awtik-la « Kisa Labib ka di anlè avòtman-an ? » ki adan ribrik-la « Tibren plis ankò » adan lison-tala.
-