2. Koumanniè nou pé montré Jéova nou kontan kado lavi-a i ba nou ?

Dépi adan bouden manman-nou, lavi-nou ja enpòwtan ba Jéova. Adan Bib-la, David, an adoratè Bondié, di’y konsa : « Zié’w wè mwen dépi antan man té toupiti andidan vant manman-mwen » (Sòm 139:16). Lavi-nou ni an gran valè ba Jéova (li Matié 10:29-31). I adan gwo lapenn lè an moun ka tjwé kòy pa èspréa oben ka tjwé an lòt moun (Ègzòd 20:13). Tjè Jéova an bobo osi lè nou ka mété lavi-nou an danjé initilman oben lè nou pa ka pran pokosion pou pwotéjé lavi dòt moun. Lè nou ka swen lavi-nou é lè nou ka rèspèkté ta lézòt, nou ka montré nou enmen lavi, kado-tala Jéova fè nou.

5. Rèspèkté lavi an timanmay ki pòkò fèt

Épi pawòl poézi, David ka palé anlè lentéré Jéova ka pòté ba lavi an timanmay ki pòkò fèt épi manniè i ka grandi an bouden manman’y. Li Sòm 139:13-17 épi diskité kèsion-tala :

• Pou Jéova, lavi an moun ka koumansé dépi an bouden manman’y, oben jou nésans-li ?

Lwa Jéova té ba pèp Izrayèl-la té ka pwotéjé sé manman-an épi timanmay-yo ki pòkò té fèt. Li Ègzòd 21:22, 23 épi diskité sé kèsion-tala :

• Ki manniè Jéova té ka wè an moun ki té ka tjwé san fè èspré an timanmay ki pòkò té fèt ?

• Ki santiman ki té ké an tjè’y si an moun té fè sa pa èspréb ?

• Sa’w ka pansé di manniè wè Bondié asou sa ?

Gadé VIDÉWO-a.

VIDÉWO : Tou kon Bondié, annou ba lavi-a valè (5:00)

Adan yonn-dé sitiyasion, menm an fanm ki ka ba lavi-a valè pé pansé ki avòté sé sèl solision ki ni. Li Izayi 41:10 épi diskité sé kèsion-tala :

• Si yo ka fè présion anlè an fanm pou avòté, ki moun ki pé endé’y a moman-tala ? Poutji ?