5. Sa Jéova ka atann di zanmi’y

Sa nòwmal ou atann zanmi’w fè bagay ba’w.

• Kisa ou enmen zanmi’w fè ba’w ?

Li 1 Jan 5:3 épi diskité kèsion-tala :

• Kisa Jéova ka atann di zanmi’y ?

Pou obéyi Jéova, pétèt nou kay ni pou chanjé konduit-nou ouben yonn-dé vié mès an manniè-nou. Li Izayi 48:17, 18 épi diskité kèsion-tala :

• Poutji Jéova ka mandé zanmi’y obéyi ?

Ès ou ka santi ou pli pré Bondié dépi ou ka étidié Labib ? Ès ou lé kontinié rann lanmitié’w épi’y pli fò ? Alò sonjé, plis Jéova ké wè lanmou ou ni ba’y grandi, sé plis i ké enmen’w épi sé plis i ké otjipé di’w. Koumanniè ou pé montré ou enmen’y ?

1. Koumanniè nou ka montré Jéova nou enmen’y ?

Nou ka montré nou enmen Jéova lè nou ka obéyi’y (li 1 Jan 5:3). Jéova pa ka fòsé pèsonn kouté’y ; i ka kité chak moun désidé sa i lé fè. Poutoudi, pou fè’y plézi, fòk « obéyi [...] épi tjè-zòt » (Women 6:17). Nou ka konprann, ki Jéova pa lé nou obéyi pas nou oblijé, men pas nou enmen’y. Mòso 3 épi 4 liv-tala kèy endé’w montré Jéova ou enmen’y lè’w ka fè sa ki ka fè’y plézi épi lè’w ka rifizé fè sa ki pa ka fè’y plézi.

2. Poutji sa pé difisil montré Jéova nou enmen’y ?

« Sé pa ti léprèv an moun ki jis ka jwenn » (Sòm 34:19). Nou tout ka goumen kont péché-a. Anplis di sa, nou ka jwenn pwoblèm lajan, lenjistis oben dòt pwoblèm. Palakòz tout sé pwoblèm-tala, sa pa toujou fasil fè sa Jéova ka atann di nou, é délè, pa obéyi Jéova ka parèt chimen ki pli fasil pou pran. Men magré tousa, si ou ka obéyi Jéova kanmenm, ou ké montré’y ki lanmou-a ou ni ba’y pli fò ki tout bagay. É sé konsa ou ké montré’y fidélité’w. A moman-tala, Jéova li menm ké fidèl épi’w. I pé ké jen abandonnen’w (li Sòm 4:3).

4. Ba Jéova tjè kontan

Li Pwovèb 27:11 épi diskité sé késion-tala :

• Lè ou ka aji épi sajès épi ou ka obéyi, kisa Jéova ka risanti ? Poutji ?

5. Ou pé montré Jéova ou fidèl

VIDÉWO : Douvan lopozision défann lafwa’w (5:09)

• Ès délè sa difisil ba’w palé di Jéova ba lézòt ?

• Kisa ki endé Grayson pa pè ankò ?

Sa ké pli fasil rété fidèl a Jéova si nou enmen sa i enmen épi rayi sa i rayi. Li Sòm 97:10 épi diskité sé késion-tala :

• Ès ou pé ba yonn-dé bagay Jéova enmen ? Ès ou pé ba yonn-dé bagay Jéova rayi ?

• Ki manniè ou pé aprann enmen sa ki bien épi rayi sa ki mal ?

6. Obéyi Jéova bon ba’w

Obéyi Jéova tout lè, sé pli bon bagay ou sé pé fè. Li Izayi 48:17, 18 épi diskité sé késion-tala :

• Ès nou pé sèten Jéova toujou sav sa ki pli bon ba nou ? Poutji ?

• Dépi ou koumansé étidié Labib épi aprann konnèt vré Bondié-a, Jéova, ki bon bagay sa pòté ba’w ?

SA’W APRANN

Ou pé montré ou enmen Jéova lè ou ka obéyi’y épi lè ou ka rété fidèl magré pwoblèm ou ka jwenn.

An ti viré gadé

• Kisa lègzanp Jòb aprann ou ?

• Koumanniè ou pé ba Jéova lasirans ou enmen’y ?

• Kisa ki ké endé’w rété fidèl a Jéova ?

TIBREN PLIS ANKÒ

Ki manniè nou pé montré fidélité-nou ba Jéova épi ba sanblé-a ?

« Épi an nonm fidèl, wou menm ka fidèl » (16:49)

Satan akizé tout moun. Mi plis détay asou sa i di.

« L’intégrité de Job » (La Bible : quel est son message ?, mòso 6)

Koumanniè sé timanmay-la yo menm pé montré yo enmen Jéova ?

Fè tjè Jéova kontan (8:16)

Koumanniè an jenn pé rété fidèl a Bondié menm si dòt moun ka fè présion anlè’y ?

Tjenbé douvan présion lézòt ! (3:59)

Nou tout ni désizion pou pran. I ni désizion kontèl, chwazi an konjwen, an travay oben koté nou ké abité ki pé ni konsékans ki enpòwtan adan lavi-nou. Désizion-nou tou, pé ni konsékans asou lanmitié-nou épi Jéova. Si nou ka pran bon désizion, nou ké ni tjè kontan épi Jéova ké fiè di nou.

1. Ki manniè Labib ka endé nou pran bon désizion ?

Avan ou pran an désizion, mandé Jéova djidé’w épi sèvi Labib-la pou sav koumanniè i ka wè bagay-la (li Pwovèb 2:3-6). Délè, ou ké touvé an lwa prési. Adan ka-tala, méyè désizion ou pé pran sé obéyi lwa-tala.

É si Labib pa ka di’w ègzaktiman sa ou dwé fè ? Jéova ké djidé’w kanmenm « asou chimen-an ou pou maché » (Izayi 48:17). Poutoudi, andidan Labib-la i ni sa yo ka kriyé dé prensip ki pé endé’w. An prensip Labib, sé an vérité kapital ki ka endé nou sav sa Bondié ka pansé oben risanti. Lè nou ka li listwa adan Labib, souvan nou ka dékouvè manniè wè’y asou tout kalté sijé. É an fwa nou konnèt manniè wè’y, nou pé pran désizion ki ka fè’y plézi.

2. Avan ou pran an désizion kisa fòk sonjé ?

Labib-la ka di : « An nonm ka pran pokosion ka gadé koté i ka mété pié’y » (Pwovèb 14:15). Sa lé di, avan ou pran an désizion, sa enpòwtan réfléchi. Toupandan ou ka réfléchi asou désizion ou pou pran, sonjé avantaj épi enkonvénian ou ké ni. Pozé kòw sé kèsion-tala : « Ki prensip biblik ki pé endé mwen adan ka-tala ? Si man pran désizion-tala ès man ké ni lèspri trantjil ? Ki konsékans désizion-mwen pé ni anlè lézòt ? É sirtou, ès i ké fè Jéova plézi ? » (Détéwonòm 32:29).

Jéova ni dwa désidé sa ki bien épi sa ki mal. Si nou ka aprann konnèt lwa’y épi prensip-li épi nou ka rèspèkté yo, nou ké ba konsians-nou bon larèl-la. Konsians-lan sé lè ou ka santi si an bagay bien oben mal (Women 2:14, 15). An konsians ki ni labitid fè sa ki bien ké endé nou pran bon désizion.

ANNOU PLI LWEN

3. Kité Labib djidé’w

VIDÉWO : Kité sé prensip Labib-la djidé zòt (5:54)

• Ki kado Jéova ba nou ?

• Poutji Jéova ba tout moun libèté chwazi ?

• Kisa Jéova ba nou pou endé nou bien sèvi libèté-nou di chwazi ?

Li Éfézien 5:15, 16. Prensip-la sé : « Sèvi tan-an zòt ni méyè manniè zòt pé. » Ki manniè ou pé aplitjé’y...

• pou li Labib touléjou ?

• pou ba konjwen’w, yich-ou oben paran’w sifizanman tan ?

• pou asisté réyinion sanblé-a ?

4. Ba konsians-ou bon larèl-la pou pran bon désizion

VIDÉWO : « Gadé an bon konsians » (5:13)

• Kisa Emma fè pou ba konsians-li bon larèl-la épi pran an désizion ka fè Jéova plézi ?

Poutji fo pa mandé lézòt pran an désizion a laplas-nou ? Li Ébré 5:14 épi diskité sé kèsion-tala :

• Sa vré, sa pli fasil mandé lézòt sa yo té ké fè a laplas-nou. Men kisa nou pou kapab fè ?

• Ki zouti ki pé endé’w fè richèch, pou ba konsians-ou bon dirèksion-an, pou pé sa pran bon désizion ?

5. Pa bliyé konsians lézòt

Nou tout pa ka pran sé menm désizion-an. Koumanniè nou pé montré konsians lézòt sé pwoblèm-nou tou ? Annou wè 2 lègzanp :

Sitiyasion 1 : An sè ka rivé adan an sanblé éti an patjé sè jennen palakòz an manniè abiyé i enmen.

Li Women 15:1 épi 1 Korentjen 10:23, 24, épi diskité sé kèsion-tala :

• Ki désizion sè-a pétèt ké pran si i kité sé vèsé-tala djidé’y ? Imajinen ou épi an moun éti konsians-li ka entèwdi’y fè an bagay, alòs ki konsians-ou ka pèwmèt ou fè’y. Sa’w ké fè ?

Sitiyasion 2 : Sa vré, Labib pa ka entèwdi brè alkòl. Men an frè pran désizion pa brè piès. Mi-anvwala, yo envité’y adan an swaré éti i ka wè dòt Témwen ka brè alkòl.

Li Éklézias 7:16 épi Women 14:1, 10, épi diskité sé kèsion-tala :

• Si i ka suiv larèl sé vèsé-tala, asiré, ki atitid frè-a ké ni ? Si an jou ou ka wè an moun fè an bagay konsians-ou ka entèwdi’w fè, koumanniè ou ké réyaji ?

Pou pé sa pran an bon désizion

1. Mandé Jéova endé’w (Jak 1:5).

2. Fè richèch adan Labib-la épi piblikasion-nou pou sav ki prensip ki bon adan sitiyasion’w. Ou pé mandé krétjen ki ni lèspérians endé’w osi.

3. Réfléchi asou konsékans désizion’w anlè konsians-ou épi konsians lézòt.

SA’W APRANN

Pou pran bon désizion, fòk nou chèché sav sa Jéova ka pansé épi réfléchi anlè rézilta chwa-nou anlè lézòt.

An ti viré gadé

• Koumanniè ou pé pran désizion ka fè Jéova plézi ?

• Koumanniè ou pé ba konsians-ou bon larèl-la ?

• Koumanniè ou ka montré ou ka rèspèkté konsians lézòt ?

TIBREN PLIS ANKÒ

Ki manniè ou pé pran désizion ki ka lianné’w ankò plis épi Bondié ?

« Prenons des décisions qui honorent Dieu » (La Tour de Garde, 15 avril 2011)

Jéova ka konséyé nou diféran manniè. Kilès ?

Jéova ka djidé pèp-li (9:50)

Sa ki endé an jenn nonm pran an désizion difisil.

Jéova ka garanti tou sa ki bon (5:46)

Koumanniè ou pé pran désizion ka fè Jéova plézi, alòs ki Labib-la pa ka ba lwa prési ?

« Vous faut-il un commandement pour tout ? » (La Tour de Garde, 1^ié désanm 2003)