Lapriyè pé rann lanmitié’w épi Bondié pli fò

Viv an bèl lavi pou toujou ! (An létid Labib ki pé pwofité’w)
- 1. Ki moun pou nou priyé é pou kisa ?
  
  Jézi ansénié, sèl moun-lan nou pou priyé sé Papa-nou ki an sièl-la, Jéova. É sé sa li menm té ka fè. I di : « Zòt pou prédié konsa : “Papa-nou ki an sièl-la...” » (Matié 6:9). Lè nou ka prédié Jéova, lanmitié-nou épi’y ka vini pli fò.
  
  Nou pé priyé ba près tout bagay. Men sa vré, pou Bondié réponn lapriyè-nou fòk yo annakò épi sa i lé. Bondié « ka kouté nou, kisiswa sa nou ka mandé’y ki dakò épi volonté’y » (1 Jan 5:14). Jézi ba ègzanp asou kisa nou pé priyé (li Matié 6:9-13). Nou pé prédié ba kèsion ka trakasé nou, men fòk pa nou bliyé di Bondié mèsi ba tousa i ka fè ba nou, épi mandé’y endé lézòt tou.

Lasoufwans épi lèmal poutji sa ka èkzisté ?

Viv an bèl lavi pou toujou ! (An létid Labib ki pé pwofité’w)
- Ès ou té sav sa ?
  
  Lè Satan manti pou prèmié fwa, i sali répitasion Jéova. I fè moun kwè mové bagay anlè Jéova, lè i di Jéova pa ka dirijé an manniè ki jis épi i pa enmen lézòm. Jéova kay montré pa ni pli bon dirijan ki’y, lè i kay fè tout soufwans pran lavòl talè. Jistifikasion non Jéova sé an késion ki pòtalan menm (Matié 6:9, 10).

Kisa Wayòm-lan kèy fè ?

Viv an bèl lavi pou toujou ! (An létid Labib ki pé pwofité’w)

LISON 33

Kisa Wayòm-lan kèy fè ?

Wayòm Bondié enstalé an sièl-la. Talè, i kay chanjé an patjé bagay anlè latè. Annou wè ki bon bagay i kèy fè.

1. Ki manniè wayòm Bondié-a kèy viré mété lapé épi lajistis anlè latè ?

Jézi, Wa wayòm Bondié, ké détwi sé moun méchan-an épi sé gouvènman-an pandan ladjè Armagédon (Révélasion 16:14, 16). A moman-tala, pwonmès Labib-tala kèy vini réyalité : « Adan an ti moman, pé ké ni méchan ankò » (Sòm 37:10). Gras a Wayòm-lan, Jézi kay plen latè épi lapé èk lajistis (li Izayi 11:4).

2. Koumanniè lavi-a kay yé lè volonté Bondié kèy fèt anlè latè ?

Lè wayòm Bondié kéy dirijé latè, « moun ki jis, latè kay ta yo épi yo kay viv anlè’y pou tout tan » (Sòm 37:29). Imajinen sa ! Tout moun kay bon ; tout moun kay enmen Jéova é enmen lézòt. Pé kéy ni moun malad ankò, é nou kéy ni an bèl lavi pou toujou.

3. Apré dèstriksion sé méchan-an, kisa wayòm Bondié-a kèy fè ?

Apré dèstriksion sé méchan-an, Jézi kéy gouvèné pandan 1 000 lanné ankò. Pandan tout tan-tala, épi sé 144 000 moun-lan ki ké dirijé épi’y, Jézi kéy endé lézòm vini pawfé. Lè sé 1 000 lanné-tala kèy bout, latè kèy an bèl paradi plen épi moun biennéré pas yo ka obéyi lwa Jéova. Alò, Jézi kay rimèt Papa’y Wayòm-lan, é ‘non Jéova kèy vini sen’ kon sa pa janmen fèt avan (Matié 6:9, 10). A moman-tala, tout moun kay wè Jéova sé an bon dirijan ki ka pran swen tout moun ki ka sèvi’y. Apré sa, Jéova kèy détwi Satan, sé démon-an épi tout sé moun-lan ki chwazi ribélé kont dominasion’y (Révélasion 20:7-10). Tout bon bagay wayòm Bondié-a ké fè kay diré pou tout tan.

ANNOU PLI LWEN

Annou wè poutji nou pé kwè Bondié kèy sèvi Wayòm-lan pou réyalizé sa Labib pwonmèt pou lavni.

4. Wayòm Bondié-a kèy fè gouvènman lézòm disparèt

« Nonm ka dominé asou nonm, pou fè yo soufè » (Éklézias 8:9). Gras a wayòm-li, Jéova kèy réglé lenjistis-tala.

Li Danièl 2:44 épi 2 Tésalonisien 1:6-8, épi diskité sé kèsion-tala :

Kisa Jéova épi Jézi kèy fè sé gouvènman-an épi sé moun-lan ki ka soutjenn yo ?
Silon sa ou aprann anlè Jéova épi Jézi, poutji ou asiré yo kèy aji épi jistis ?

Jézi Wa adan sièl-la ; i ka dirijé latè ki vini an paradi.

5. Jézi sé pli bon wa ki ni

Jézi, Wa wayòm Bondié-a kèy pòté anpil bienfé ba moun ki kay viv anba dominasion’y anlè latè. Gadé VIDÉWO-a pou wè koumanniè Jézi ja montré i anvi endé sé moun-lan, épi osi manniè Bondié ba’y pouvwa fè sa.

VIDÉWO : Jézi montré sa Wayòm-lan kèy fè (1:13)

Lè i té anlè latè, Jézi ba an ti lidé asou sa Wayòm-lan kèy fè. Adan sé bénédision-tala, kilès ou pli présé wè ? Pou chak bénédision, li sé vèsé-a yo ka pwopozé’w.

LÈ JÉZI TÉ ASOU LATÈ, I...	DÉPI SIÈL-LA, JÉZI KAY...
kontwolé lanati (Mak 4:36-41).	réglé tout pwoblèm asou lanvirònman (Izayi 35:1, 2).
ba milié moun manjé (Matié 14:17-21).	fè lafen disparèt adan monn-lan (Sòm 72:16).
djéri anpil moun ki té malad (Lik 18:35-43).	ba tout moun an bon santé (Izayi 33:24).
résisité moun mò (Lik 8:49-55).	résisité moun mò épi fè lanmò disparèt (Révélasion 21:3, 4).

6. Wayòm Bondié kèy ba nou an bèl lavni

Wayòm-lan kèy réyalizé sa Jéova té prévwè o koumansman ba lézòm. Yo kèy pou toujou adan an paradi anlè latè. Gadé VIDÉWO-a pou wè koumanniè Jéova ka itilizé Fis-li, Jézi, pou réyalizé pwojé’y.