-
Kisa ka fèt apré lanmò ?Viv an bèl lavi pou toujou ! (An létid Labib ki pé pwofité’w)
-
-
3. An ki léta moun mò yé ?
Oliwon latè, i ni divès kwayans anlè sa ki ka fèt apré lanmò. Men, nou pé pa kwè sé yo tout ki vré.
Isiya, kisa moun ka kwè anlè lanmò ?
Pou wè sa Labib ka ansénié, gadé VIDÉWO-a.
Li Éklézias 3:20 épi diskité sé kèsion-tala :
Silon vèsé-tala, an ki léta an moun ki mò yé ?
Ès vèsé-tala ka di, apré lanmò nanm oben lèspri an moun ka kontinié viv an tjèk pa ?
Labib-la ka rakonté sa ki fèt apré lanmò Laza, an bon zanmi Jézi. Li Jan 11:11-14 pou wè koumanniè Jézi palé di Laza. Apré diskité sé kèsion-tala :
Épi kisa Jézi konparé lanmò-a ?
Kisa lèkzanp-tala ka aprann nou anlè sé mò-a ?
Kisa ou ka pansé anlè sa Labib ka di anlè lanmò ?
-
-
Ou kèy viré wè moun ou enmen !Viv an bèl lavi pou toujou ! (An létid Labib ki pé pwofité’w)
-
-
4. Jézi ba laprèv i kapab résisité sé mò-a
Annou gadé pli pré sa Jézi fè ba zanmi’y Laza. Li Jan 11:14, 38-44 épi diskité sé kèsion-tala :
Kisa ka pèwmèt nou di Laza té mò bon mò-a ? (gadé vèsé 39-la).
Apré lanmò’y, si Laza té vréman monté an sièl, ès ou ka pansé Jézi té ké fòsé’y ritounen asou latè ?
-