1. Jézi sé ki moun ?

Jézi sé an lèspri puisan ka viv adan sièl-la. Sé li prèmié Jéova kréyé, sé pou sa yo ka kriyé’y « prèmié kréyati adan tout lakréyasion » (Kolosien 1:15). Labib ka kriyé Jézi ‘sèl Yich-la Bondié fè’ pas sé li yonn Jéova kréyé tousèl (Jan 3:16). Jézi travay ansanm-ansanm épi Papa’y, Jéova, pou kréyé tout sé lézòt bagay-la (li Pwovèb 8:30). Jézi an tjè koko épi Jéova. Sé li ki « Lapawòl » pas i ka pòté Pawòl Bondié épi fidélité. I ka anonsé mésaj épi lalwa Bondié ba moun épi zanj (Jan 1:14).

Nou ka péchéa, nou ka soufè é nou ka mò. Poutji ? Pas Adan é Èv prèmié nonm-lan épi prèmié madanm-lan dézobéyi Bondié. Men fo pa nou dézèspéré piès ! Pas Jéova pran dispozision pou libéré nou anba malédision péché épi lanmò gras a Fis-li, Jézi. Labib-la ka di, gras a lanmò’y, Jézi ba an ranson. An ranson sé pri-a fòk péyé pou libéré an moun. Pri-a Jézi péyé sé té lavi’y nonm pawfé (li Matié 20:28). Jézi té ni dwa viv pou toujou anlè latè, men i asèpté mò ba nou pou nou pé sa ritouvé tousa Adan épi Èv té pèd. I montré osi wotè lanmou Jéova épi li-menm ni ba nou. Lison-tala ké rann rikonésans-nou pli fò pou sa Jézi fè ba nou.

1. Kisa lanmò Jézi ka pòté ba nou dépi aprézan ?

Konm nou tout péchè, biensouvan nou ka fè dé bagay ki pa ka fè Jéova plézi. Men magré sa, nou pé rété zanmi épi Bondié : si nou ka rigrété épi tout tjè-nou péché nou fè, si nou ka prédié Jéova an non Jézikri pou mandé’y padon, é si nou ka fè tou sa nou pé pou pa rikoumansé (1 Jan 2:1). Bib-la ka di : « Pou lapéti péché moun ki enjis, Kris, an jis, mò an fwa pou tout, pou mennen zòt a Bondié » (1 Piè 3:18).

2. Kisa lanmò Jézi kay pòté ba nou dèmen ?

Jéova voyé Jézi anlè latè pou i ba lavi’y ki té pawfé é pou « tout moun ki ka montré lafwa adan’y pa détwi mé ni lavi étèrnèl » (Jan 3:16). Gras a sakrifis Jézi, talè Jéova kèy ranjé tout mové bagay ki ka fèt palakòz dézobéyisans Adan. Kivédi, si nou ni lafwa adan sakrifis-tala, nou ni laposibilité viv pou toujou anlè latè adan paradi-a (Izayi 65:21-23).

ANNOU PLI LWEN

3. Lanmò Jézi ka libéré nou anba péché épi lanmò

VIDÉWO : Poutji Jézikri mò ? (mòso 1) (2:01)

• Difèt Adan dézobéyi, kisa i pèd ?

Li Women 5:12 épi diskité kèsion-tala :

• Ki konsékans péché Adan ni anlè’w ?

Li Jan 3:16 épi diskité kèsion-tala :

• Poutji Jéova voyé Yich-li anlè latè ?

1. Adan té an nonm pawfé. Pas i dézobéyi nou èsklav péché épi lanmò.

2. Jézi té an nonm pawfé. Pas i obéyi, nou ni lèspwa vini pawfé é ni lavi étèrnèl.

4. Jézi mò ba tout moun

VIDÉWO : Poutji Jézikri mò ? (mòso 2) (2:00)

• Koumanniè lanmò an sèl nonm pé rivé libéré tout limanité ?

Li 1 Timoté 2:5, 6 épi diskité kèsion-tala :

• Adan té an nonm pawfé. Akòz péché-a i fè, nou tout èsklav péché épi lanmò. Ki manniè sakrifis lavi Jézi libéré nou anba péché épi lanmò, é ki posibilité sa ka ban nou ?

5. Ranson-an : an kado Jéova ka fè’w

An moun ki zanmi épi Jéova ka wè ranson-an kon an kado Jéova fè’y. Li Galat 2:20 épi diskité kèsion-tala :

• Kisa ka montré lapòt Pòl té ka wè ranson-an kon an kado Jéova té ba’y ?

Apré i péché, ki Adan ki tout désandans-li té kondané. Yo té kèy mò. Men Jéova ba lavi Fis-li pou pèwmèt nou viv pou toujou.

Toupandan nou ka li sé vèsé-tala, éséyé imajinen sa Jéova té ka risanti lè i wè Yich-li soufè. Li Jan 19:1-7, 16-18 épi diskité kèsion-tala :

• Lè’w ka réfléchi anlè tousa Jéova épi Jézi ja fè ba’w, kisa sa ka fè’w ?

SA’W APRANN

Gras a lanmò Jézi, Jéova pé padonnen péché-nou, é nou ni lèspwa viv pou toujou.

An ti viré gadé

• Poutji Jézi mò ?

• Ki manniè sakrifis lavi Jézi libéré nou anba péché épi lanmò, é ki posibilité sa ka ban nou ?

• Kisa lanmò Jézi pé pòté ba’w ?

TIBREN PLIS ANKÒ

Poutji yo ka di lavi pawfé Jézi-a sé an ranson ?

« An ki sans sakrifis Jézi sé “an ranson pou an patjé moun” ? » (awtik jw.org)

Ès fo’w kwè sèlman an Jézi pou’w sové ?

« Koumanniè Jézi ka sové nou ? » (awtik jw.org)

Ès Jéova ka padonnen péché ki grav ?

« Questions bibliques » (La Tour de Garde, 1^ié mé 2013)

Koumanniè sakrifis Kris endé an nonm chanjé mantalité’y ?

« Je ne suis plus esclave de la violence » (awtik jw.org)

1. Kouman nou pé montré rikonésans-nou pou sa Bondié èk Kris fè ba nou ?

Labib-la ka pwonmèt lavi étèrnèl ba « tout moun ki ka montré lafwa adan [Jézi] » (Jan 3:16). Men montré lafwa, sa sa vé di ? Sé pa sèlman kwè an Jézi. An moun ka montré i ni lafwa dapré sa i ka fè épi désizion i ka pran (Jak 2:17). Lanmitié-nou épi Jézi èk Papa’y Jéova ka vini pli fò lè nou ka kité lafwa-nou djidé aksion-nou épi sa nou ka di (li Jan 14:21).