• Ès tout fèt ka fè Bondié plézi ?
    Viv an bèl lavi pou toujou ! (An létid Labib ki pé pwofité’w)

    • Li Éfézien 5:10 épi diskité sé kèsion-tala :

      • Avan ou désidé si ou ké alé adan an fèt, kisa ou pou analizé ?

      • Ki fèt moun ka sélébré la ou ka viv ?

      • Silon wou, ès sé fèt-tala ka fè Jéova plézi ?

      Pa ègzanp, ès ou ja mandé kòw sa Bondié ka pansé di anivèrsè nésans ? Adan Labib, pa ni piès listwa éti an adoratè Jéova ka fété anivèrsè’y. Men, i ka rakonté anivèrsè 2 moun ki pa té ka adoré Jéova. Li Jénèz 40:20-22 épi Matié 14:6-10, épi diskité sé kèsion-tala :

      • Menm baay-la fèt adan sé 2 anivèrsè-tala. Kisa ?

      • Dapré’w, kisa sé listwa-tala ka aprann ou asou manniè Jéova ka wè sé anivèrsè-a ?

      Men pétèt ou ka mandé kòw, ba Jéova, ès sa vréman grav partisipé adan an anivèrsè oben an lòt fèt ki pa annakò épi Labib ? Li Ègzòd 32:1-8. Apré gadé VIDÉWO-a épi diskité sé kèsion-an ka vini an.

      VIDÉWO : Fèt épi koutim Bondié pa enmen (5:07)

      • Poutji sa enpòwtan bien gadé sa Jéova ka pansé di an fèt ?

      • Koumanniè nou pé fè sa ?

      Ki manniè nou pé sav si an fèt ka fè Bondié plézi ?

      • Ès fèt-tala bazé asou lansèyman ki pa adan Labib ? Pou ni répons-lan, chèché koté i sòti.

      • Ès fèt-tala ka ba an moun, an òwganizasion oben an senbòl nasional kontèl drapo-a an lonnè yo pa mérité ? Sé Jéova prèmié nou ka onoré, é sé li sèlman nou ka fè konfians pou réglé pwoblèm monn-lan.

      • Ès fèt-tala ka ankourajé moun ni konpòwtasion Labib ka kondané ? Nou pou rété pwòp adan lèspri-nou épi aksion-nou.

  • Anmizman ki ka fè Jéova plézi
    Viv an bèl lavi pou toujou ! (An létid Labib ki pé pwofité’w)
    • Lison 53. An papa, an manman épi tifi-yo ka manjé pòpkòn pandan yo ka gadé latélé.

      LISON 53

      Anmizman ki ka fè Jéova plézi

      Jéova, sé li ki « Bondié [a] ki éré » (1 Timoté 1:11). I lé, nou osi nou biennéré épi pwofité lavi-a. I kontan lè i ka wè nou pran tan pou pozé épi détann kònou. Adan lison-tala, nou ké wè koumanniè nou pé sèvi tan-an nou ni pou détann kònou, an manniè ka fè nou dibien épi ka fè Jéova plézi.

      1. Kisa fòk nou sonjé lè nou ka chwazi anmizman ?

      Kisa ou enmen fè pou détann kòw ? I ni sa ki enmen blèz kòyo kay-yo épi an ti liv, kouté mizik, gadé an fim oben alé asou entèwnèt. Pou dòt, sé fè ispò épi zanmi, kontèl maché adan lanati, alé lanmè ouben fè jé. Kisiswa sa nou enmen, fòk nou asiré kònou anmizman-nou ka « fè Senyè-a plézi » (Éfézien 5:10). Sa enpòwtan fè sa, pas i ni anlo anmizman ki ka ankourajé fè bagay Jéova rayi, kontèl laviolans, péché sèksièl oben pran kontak épi lé zèspri (li Sòm 11:5). Kisa ki pé endé nou bien chwazi anmizman-nou ?

      Si zanmi-nou enmen Jéova, yo kèy ni an bon lenfliyans anlè nou épi yo kèy endé nou chwazi bon anmizman. Sé sa nou wè adan lison 48-la, « moun-lan ki ka maché kantékant épi moun saj, i ké vini saj ». Men tala ki ka pasé tan’y épi moun ki pa enmen Lalwa Bondié, « malè ké rivé’y » (Pwovèb 13:20).

      2. Poutji sa enpòwtan véyé konben tan nou ka pran pou anmizé ?

      Menm si nou ka chwazi bon anmizman, fòk nou prangad pou pa pasé twòp tan anlè yo. San sa, nou pa kèy rété tan ankò pou fè sa ki pli enpòwtan. Labib-la ka ankourajé nou « sèvi tan [nou] ni, méyè manniè [nou] pé » (li Éfézien 5:15, 16).

      ANNOU PLI LWEN

      Annou wè ki manniè nou pé bien chwazi anmizman-nou.

      3. Annou mété asou koté anmizman ki pa pwòp

      Poutji fòk nou pran tan pou bien chwazi anmizman-nou ? Gadé VIDÉWO-a épi diskité sé kèsion-an ka vini an.

      VIDÉWO : Koumanniè bien chwazi anmizman nou ? (4:39)

      • I ni an rapò ant konba gladiyatè épi yonn-dé anmizman nou ni jòdi. Kilès ?

      • Kisa Danny aprann asou anmizman ?

      Li Women 12:9 épi diskité kèsion-tala :

      • Ki éfé vèsé-tala dwé ni asou manniè ou ka chwazi anmizman’w ?

      Kisa Jéova rayi ? Li Pwovèb 6:16, 17 épi Galat 5:19-21. Apré lèkti chak vèsé, diskité kèsion-tala :

      • Ni an konpanyi bagay ki sité adan sé vèsé-tala. Kilès ou ni labitid jwenn adan anmizman ki ni jòdi-jou ?

      Avan ou chwazi an anmizman...

      mandé kòw :

      • Kisa ? Ès andidan’y i ni bagay Jéova rayi ?

      • A ki moman ? Ès i ka anpéché mwen touvé tan pou fè bagay pli enpòwtan ?

      • Ki moun ? Ès i ka fè mwen pasé anlo tan épi moun ki pa enmen Jéova ?

      Pou ayen pa rivé nou, fòk pa nou bòdé piès bò danjé-a. Kidonk, dépi nou ka santi an anmizman pa bon, fòk pa nou bòdé piès obò’y.

      Anlè an ti chimen montann, an loto ka woulé two pré falèz-la. A nenpòt ki moman i pé chapé tonbé pa anba.

      4. Annou bien sèvi tan-nou

      Gadé VIDÉWO-a épi diskité kèsion-an ka vini an.

      VIDÉWO : Ès sé wou ki mèt tan-an ou ni ? (2:45)

      • Sé pa pou di frè-a té ka gadé an mové bagay, men ki pwoblèm i té ni ?

      Li Filipien 1:10 épi diskité kèsion-tala :

      • Kouman vèsé-tala pé endé nou désidé pandan konben tan nou ké anmizé ?

      5. Annou chwazi anmizman ki pwòp

      Sa vré, ni anmizman Jéova pa enmen, men i ni an patjé dòt ki bon menm. Li Éklézias 8:15 épi Filipien 4:8, épi diskité kèsion-tala :

      • Ki bon bagay ou enmen fè pou anmizé kòw ?

      Montaj : moun tout laj ka anmizé bon anmizé, diféran manniè. 1. An jenn tifi ka kouté mizik épi fè désen. 2. Twa jenn-jan ka jwé baskèt. 3. Dé tibolonm ka fè vélo. 4. An tibolonm ka konstwi an ti loto. 5. An nonm ka jwé tanbou. 6. An tibolonm ka jwé jé vidéwo épi papa’y. 7. Déwò-a an madanm ka fè foto.

      I ni an patjé anmizman ki pwòp.

      NI MOUN KA DI : « Anmizman ki ni laviolans, sèks épi kontak épi démon, sa pa ayen. Sa ki pli enpòwtan sé ki man pa ka fè sé bagay-tala. »

      • Sa’w ka pansé ?

      SA’W APRANN

      Jéova lé nou chwazi anmizman ki ka fè nou dibien épi ki pwòp.

      An ti viré gadé

      • Ki kalté anmizman an krétjen pou mété asou koté ?

      • Poutji nou pou véyé pandan konben tan nou ka anmizé kònou ?

      • Poutji ou lé chwazi anmizman ki ka fè Jéova plézi ?

      Sa man pou fè

      TIBREN PLIS ANKÒ

      Ki moun ki rèsponsab anmizman man ka chwazi ?

      « Ès i ni fim, liv oben chanté Témwen Jéova pa ni dwa gadé oben kouté ? » (awtik jw.org)

      Konsèy pou bien chwazi anmizman-nou.

      « Comment se détendre sainement ? » (La Tour de Garde, 15 òktòb 2011)

      An nonm chanjé manniè i té ka anmizé kòy (pòtré « J’ai même surmonté mes préjugés »).

      « La Bible transforme des vies » (La Tour de Garde, 1ié févriyé 2010)

      Kisa an manman ka fè douvan an fim ki ka palé di kontak épi lé zèspri ?

      Mété asou koté anmizman ki ni kontak épi lé zèspri andidan yo (2:02)