LISON 16

Pawòl ki ka bati épi ankourajé

Jòb 16:5

KISA POU FÈ : Plito’w rété anlè pwoblèm, apiyé anlè solision èk anlè lidé ki ka ba moun balan pou aji.

Toujou wè sé moun-lan ki ka kouté’w la an bon manniè. Toujou wè chak frè é sè’w kon moun ki lé fè Jéova plézi. Menm si’w pou ba konsèy, koumansé pa félisité yo épi tout tjè’w, chak lè sa posib.

Mété lanmou adan tou sa’w ka di, kidonk pa palé an manniè égri. Souri épi tout tjè’w pou ni an bon liannaj èk moun ki ka kouté’w.
Pa ba twòp enfòmasion ki pa ka ankourajé. Palé di vié nouvèl sèlman si sa itil ba sijé-a. Ankourajé sé moun-lan pandan tout sijé’w la.
Bien sèvi Pawòl Bondié. Mété douvan sa Jéova za fè, ka fè èk kay fè pou lézonm. Ba moun lèspwa épi kouraj.