LISON 10

Diféran manniè sèvi vwa’w

Pwovèb 8:4, 7

KISA POU FÈ : Di sé lidé-a an manniè klè épi lévé plis santiman. Pou fè sa, chanjé wotè vwa’w, ton vwa’w épi vitès ou ka palé.

Chanjé wotè vwa’w. Wosé volim vwa’w pou apiyé asou an lidé enpòtan épi pou endé sé moun-lan ki ka kouté’w aji. Palé konsa lè’w ka li mésaj jijman adan Labib. Bésé volim vwa’w pou mété adan lèkti’w santiman kontèl : langwas, lentjétid oben lapè.

Pa wosé volim vwa’w tout lè pou moun ki ka kouté’w pa pansé ou ka kriyé dèyè yo. Pa fè kon adan an piès téyat pou pa atiré latansion anlè’w.
Chanjé ton vwa’w. Si sa ka maché la’w ka rété, palé pli fò pou mété plis lavi adan sa’w ka di, pou montré lenpòwtans grandè oben londjè an bagay. Palé mwen fò pou fè risanti lémosion kontèl latristès oben lentjétid.
Chanjé vitès vwa’w. Palé pli vit pou èsprimen an lémosion ki fò. Palé pli lantman lè’w ka ba lidé ki enpòtan.

Pa chanjé vitès vwa’w an manniè blip, pou pa fè moun soté. Pa palé two vit pou’w pa kòché sé mo-a.