LISON 15

Palé épi lafwa

1 Tésalonisien 1:5

KISA POU FÈ : Montré ou ka kwè an lavérité é ki sé lidé-a ou ka di a enpòtan.

Bien paré kòw. Étidié sé lidé-a jiktan ou bien konprann kouman sé rézònman biblik-la ka mennen a an konklizion lojik. Di sé lidé mèt-la èk mo ki senp. Mété lèspri’w asou sa ki itil ba moun ki ka kouté’w. Priyé pou Bondié ba’w lèspri sen.

Répété pou tann sa’w ka di, pou abitié kòw épi sé lidé-a, é pou manniè ou ka prézanté yo vini méyè.
Sèvi mo ki ka montré ou ni lafwa adan sa’w ka di a. Pa anni répété toubannman mo ki adan an piblikasion ; palé épi pwòp mo’w. Chwazi pawòl ki ka montré ki’w sèten sa’w ka di.
Montré ou sensè épi chèché konvenk sé moun-lan. Palé asé fò. Gadé moun ki ka kouté’w an zié si sa pa ka jennen adan péyi’w.

Konvenk moun pa lé di, palé san réfléchi, rété anlè pozision’w oben fòsé moun kwè’w. Menm lè’w ka palé pou konvenk moun, palé épi bonté.