Sèvi Bib-la kon an miwè

Jak, ki té an disip Jézi, konparé Bib-la épi an miwè, ki ka pèwmèt nou wè sa nou yé vréman (Jak 1:22-25). Ki manniè nou pé sèvi Bib-la kon an miwè ?

Pran tout ti tan’w pou li’y. Si nou anni gadé kònou vitman adan an miwè, nou sé pé pa wè i ni an bagay ki pa ka alé anlè kònou. Menm manniè-a, pou nou pé sa bien wè kisa fòk nou korijé lakay nou, fòk pa nou anni li Labib-la vitman. Men fòk nou pran tout ti tan-nou.

Gadé kòw, pa lézòt. Lè nou ka pasé douvan an miwè épi nou ka doubout pou gadé kònou adan, nou pé wè dòt moun adan miwè-a. Kifè, nou pé rété ka gadé sa ki pa ka alé kay yo, pito ki lakay nou. Menm manniè-a, nou sé pé sèvi Bib-la pou chèché défo kay lézòt. Men si nou ka fè sa, sa pé ké endé nou korijé pwòp défo-nou.

Rété rézonnab. Si, lè nou ka gadé kònou adan an miwè, nou ka wè yenki défo-nou, nou pé dékourajé. Kidonk, annou rété rézonnab lè nou ka li Labib : fòk pa nou atann twòp di nou menm, pas Jéova li menm pa ka atann twòp di nou (Jak 3:17).