Préparé tjè’w avan ou étidié

Lè nou ka étidié Labib, nou lé sa nou ka aprann asou Jéova touché tjè-nou, aji anlè pansé-nou, santiman-nou épi anlè sa nou anvi. Èsdras kité an bèl ègzanp ba nou adan domenn-tala. Poutji ? Pas i té ka « préparé tjè’y pou ègzaminé Lwa Jéova » (Èsd. 7:10). Koumanniè nou pé préparé tjè-nou kon Èsdras ?

Priyé. Koumansé chak moman létid épi an lapriyè. Mandé Jéova endé’w konprann épi aplitjé sa ou ka aprann (Sòm 119:18, 34).

Travay limilité’w. I ni moun ka pansé yo two gran-grèk pou Jéova endé yo konprann Labib. Sé moun-tala ki ni lòwgèy, Jéova pa ka pèwmèt yo touvé lavérité (Lik 10:21). Alò pa étidié jiskont pou montré lézòt ou konnèt anlo bagay. Men épi limilité, chanjé manniè wè’w lè i pa annakò épi ta Jéova.

Kouté an mizik-nou. Mizik sé an bagay ki puisan : i kapab brennen tjè-nou é i ka mété nou an kondision pou adoré Bondié. Kidonk, kouté yonn adan sé mizik-nou an, avan an moman létid. Sa pé endé’w mété lèspri’w asou Jéova, é konsa, sa ou ké aprann kèy touché tjè’w.