Bien sèvi ‘kado èspiritièl la’ ou ni

Lè nou ka pasé tan ansanm-ansanm épi frè é sè nou, sa ka ankourajé nou. Men pou sé moman-tala vréman ankourajé nou, fòk nou fè plis ki jiskont rété ansanm. Labib ka di sé an « kado èspiritièl » lè yonn kapab rann lafwa lòt pli fò (Wom. 1:11, 12). Alò kisa nou pé fè pou itilizé kado-tala bien konmifo ?

Ankourajé lézòt épi sa’w ka di. Pa ègzanp, adan sé réyinion-an, nou pé ba koumantè ki ka mété Jéova, Pawòl-li épi sèvitè’y douvan, olié nou palé di nou menm. É dépi nou ka bokanté épi frè é sè-nou, nou pé chèché palé di bagay ka rann lafwa pli vidjò.

Ankourajé lézòt épi désizion ou ka pran épi sa’w ka fè. Pa ègzanp, i ni yonn-dé ki désidé pa ladjé sèvis a plen tan-an magré yo ka jwenn bwa-koré. Dòt ka kontinié vini adan réyinion simenn-lan magré yo ni an travay ki ka pran anpil tan oben magré yo ni an gwo maladi.

Ès sa’w ka di épi sa’w ka fè ka ankourajé frè é sè’w ? Épi ès ou ka rimatjé sa frè é sè’w ka di épi fè pou ankourajé’w ?