Jozèf aji èvè onlo métriz

42:5-7, 14-17, 21, 22

Ès ou pé imajiné fòs a sa Jozèf dwèt rèsanti lèwvwè i vin touvé-y anfas èvè frè a-y, alòskè i pa té ka atann-li ? I té pé di-yo tousuit kimoun i yé é apré, swa i té’é tonbé an bra a yo, swa i té’é pini-yo. Men i pa aji san réfléchi. É vou, kijan ou té’é réyaji si ou té sibi on enjistis akòz dè on moun an fanmi a-w oben akòz dè ondòt moun ? Ègzanp a Jozèf ka montré kijan sa enpòwtan dè aji èvè métriz é dè rété kalm, olyé nou lésé tchè an nou ki trèt kontwolé-nou é olyé nou lésé péché-la fè-nou aji asi on koudtèt.

Kijan ou pé imité Jozèf adan sitiyasyon ou ka jwenn ?