Paran, aprann timoun a zòt sa yo bizwen sav

Mond-la nou ka viv adan-y la ka éséyé mèt an tèt an nou kè sa ki byen sé sa ki mové é kè sa ki mové, sé sa ki byen (Iz 5:20). Malérèzman, ni sa ki ka pratiké dé biten Jéova hay. Pa ègzanp, yo ni on konpòwtèman ki pa dwètèt èvè moun ki ni menm sèks ki yo. Kanmarad-lékòl oben dòt moun té’é pé pousé jenn an nou a ni menm konpòwtason ki yo. Kijan zò pé préparé timoun a zòt pou yo rézisté lè yo ka sibi présyon kon sa nou sòti vwè la ?

Fè timoun a-w konnèt prensip a Jéova ki pé édé-y pwotéjé-y (Lév 18:3). Piti a piti, aprann-yo sa Labib ka di anrapò èvè rèlasyon sèksyèl (Dét 6:7). Mandé-w : Ès an ka aprann timoun an mwen ki jès plen tandrès yo pé aksèpté, kè fò-yo abiyé on mannyè pou yo pa atiré latansyon asi yo, é kè lézòt dwèt rèspèkté kò a yo ? Ès yo ké sav kijan pou yo réyaji, si yo ka éséyé montré-yo biten pòwno, oben si yo ka mandé-yo fè dé biten kè Jéova hay ? Lè zò ka aprann timoun a zòt sé biten-lasa, sé pwotéjé zò ka pwotéjé-yo (Pw 27:12 ; Ékl 7:12). Si zò fè sa, zò ké montré zò ni lanmou pou bèl éritaj-la Jéova ka ba-zòt la (Sòm 127:3).

GADÉ VIDÉO-LA BÂTISSONS UNE MAISON DURABLE — PROTÉGEONS NOS ENFANTS DE « CE QUI EST MAUVAIS », É RÉPONN A SÉ KÈSYON-LASA :

• 

  Poukwa ni sa ki on jan pè palé dè biten sèksyèl èvè timoun a yo ?

• 

  Poukwa fò sé paran-la kontinyé lévé timoun a yo « sèlon édikasyon é avèwtisman a Jéova » ? (Éf 6:4).

• 

  Ka òwganizasyon a Jéova ka ba sé paran-la pou édé-yo adan édikasyon sèksyèl yo ka ba timoun a yo ? (w19.05 12, ti karé).

• Poukwa fò-zòt palé toutlè èvè timoun a zòt, avan yo jwenn difikilté ?