Pwotéjé mayé a zòt

Pou Jéova, mayé sé on biten ki sèryé toubònman. I ka di on misyé é madanm a-y dwèt rété yonn èvè lòt (Mat 19:5, 6). Ni onlo sèwvitè a Bondyé ki mayé é ki ka bay on bon ègzanp. Men pon mayé pa pawfè. Antoutjan, yo ké jwenn difikilté. Menmsi ni onpakèt moun ki ka konprann kè séparasyon é divòs ké réglé pwoblèm a mayé a yo, fò pa nou jen mèt lidé-lasa an tèt an nou. Kijan dé krétyen ki mayé pé pwotéjé mennaj a yo ?

Mi senk pwen enpòwtan :

1. Pwotéjé tchè a-w. Pousa, fò pa ou fè bas èvè dòt moun é fò pa ou ni anmizman ki pa pwòp, pas sé biten-lasa ké mèt mayé a-w an difikilté (Mat 5:28 ; 2P 2:14).

2. Fè lanmityé a-w èvè Bondyé vin pli fò é travay rèd pou fè Jéova plézi adan mayé a-w (Sòm 97:10).

3. Kontinyé chanjé pèwsonalité, é fè dé ti jès plen bonté ki ka rann vi a moun-la ou mayé èvè-y la pli fasil (Kol 3:8-10, 12-14).

4. Fò-zò palé souvan é lè zò ka palé, fò-zò fè-y on mannyè pou yonn fòwtifyé lòt, é èvè onlo rèspé (Kol 4:6).

5. Ba moun-la ou mayé èvè-y la sa i bizwen adan domenn sèksyèl èvè lanmou é tandrès (1Ko 7:3, 4 ; 10:24).

Lè sé krétyen-la ka ba mayé a yo lonnè, yo ka onoré Jéova, Lotè a mayé.

GADÉ VIDÉO-LA « COURIR AVEC ENDURANCE » — OBÉISSONS AUX RÈGLES DE LA COURSE, É RÉPONN A SÉ KÈSYON-LASA :

• 

  Menmsi on mayé koumansé byen, ki pwoblèm ki pé rivé a ni ?

• 

  Ki prensip a Labib ki pé édé séla ki ni lenprésyon kè pa ni lanmou adan mayé a yo ?

• 

  Ki lwa Jéova mèt anplas pou moun-mayé ?

• Ki biten sé dé moun-mayé la dwèt fè si yo vlé réyisi mayé a yo ?