Libèté an nou ka vin talè grasa Bondyé é grasa Kris

Kont ki biten ou ka goumé touléjou ? Ès ou sé on chèf a fanmi ki ka ba kò a-y bann pou okipé dè fanmi a-y ? Ès ou sé on paran ki ka lévé timoun a-y tousèl a-y é ki ka goumé pou ni on dèkwa ? Ès ou lékòl é kanmarad a-w ka tigonné-w toutlè ? Ès ou ka goumé pas santé-la pa two flanbo oben pas ou ja ni on bèl laj ? Onlo krétyen ka goumé èvè plizyè kalté pwoblèm anmenmtan. Men nou sav kè talè Jéova ké woté-nou anba tout sé pwoblèm-lasa (2Ko 4:16-18).

Annatandan, sa ka ban-nou onlo rékonfò dè sav kè Jéova ka konprann ki konba nou ka menné, kè i ka ba fidélité an nou é andirans an nou onlo valè, é kè ni onlo bénédisyon ki ka atann-nou (Jér 29:11, 12). Jézi osi ka sousyé-y dè nou pèwsonèlman. Toupannan nou ka fè tousa i ka mandé-nou, nou pé sèten kè Jézi èvè nou (Mat 28:20). Lè nou ka pran tan réfléchi anlè libèté-la nou ké ni la anba wayòm a Bondyé, èspérans an nou ka vin pi fò, é sa ka ban-nou anvi tchenbé anba éprèv (Wom 8:19-21).

GADÉ VIDÉO-LA ALORS QUE LA TEMPÊTE APPROCHE, CONCENTREZ-VOUS SUR JÉSUS ! LES FUTURS BIENFAITS DU ROYAUME, É RÉPONN A SÉ KÈSYON-LASA :

• Kijan lézimen lagé Bondyé, é ki rézilta sa pòté ?

• Ki landèmen ka atann moun ki ka rété fidèl a Jéova ?

• Ka ki ka rann bèl landèmen-lasa posib ?

• Ki bon biten ou présé vwè adan mond nouvo la ?