Ès ou ka chèché a vwè kijan Jéova ka réponn a priyè a-w ?

Ni onlo istwa an Bib-la ki ka montré kè Jéova réponn a priyè a moun. Lè sèwvitè a Bondyé té ka vwè jan Jéova té ka fè atansyon a sa ki té ka pran tèt a yo é kè i té ka édé-yo, sèten sa té ka konsolidé fwa a yo. Sé pousa, lè nou ka priyé tousèl an nou, sa byen kè nou palé dè biten byen prési é aprésa kè nou chèché a vwè kijan Jéova ka réponn. Sonjé sa : pétèt répons a-y pé’é ni ayen a vwè èvè sa ou ka atann oben i ké fè plis ki sa ou mandé (2Ko 12:7-9 ; Éf 3:20). Ka Jéova pé ban-nou pou réponn a priyè an nou ?

• Fòs pou kò an nou, lèspri an nou, oben on fwa ki solid pou fasadé èvè on pwoblèm (Flp 4:13).

• Sajès pou pran on bon désizyon (Jk 1:5).

• Lanvi-la é fòs-la pou nou aji (Flp 2:13).

• Lapé pou trankilizé-nou (Flp 4:6, 7).

• Frè é sè pou édé-nou é pou ban-nou sa nou bizwen, oben pou ankourajé-nou (1Jn 3:17, 18).

• Sèkou ba moun nou ka priyé ba yo (Akt 12:5, 11).

GADÉ VIDÉO-LA « JÉOVA SÉ SILA KI KA TANN PRIYÈ-LA », APRÉSA RÉPONN A SÉ KÈSYON-LASA :

• Kijan témwagnaj a frè Shimizu pé ankourajé-nou si santé an nou ka anpéché-nou fè tousa nou té’é vlé ?

• Kijan nou pé imité ègzanp a frè Shimizu ?