Mayé : sé pou lavi

Lè dé krétyen ka réyisi mayé a yo, sa ka ba Jéova glwa é yo toulédé ni tchè-kontan (Mk 10:9). Si on krétyen vlé ni on mayé ki solid é ki éré, fò i sèvi èvè prensip a Labib pou chwazi moun-la i vlé mayé èvè-y la.

Frékanté on moun pou mayé èvè-y enki « si ou pa an flè a jénès a-w ankò », davwa pannan péryòd-lasa, lanvi sèksyèl a on moun tèlman fò kè sa pé anpéché-y pran bon désizyon (1Ko 7:36). Toutotan ou sélibatè, itilizé tan a-w èvè sajès pou konsolidé lanmityé a-w èvè Jéova é pou kiltivé kalité èspirityèl. Konsa, ou ké mèt lontan plis chans dè koté a-w pou mayé a-w réyisi.

Avan ou aksèpté mayé èvè on moun, pran tan-la ki fo la pou konnèt « sa i yé andidan » (1P 3:4). Si ou ni dout oséryé, palé sa èvè moun-la ou ka frékanté la. On mayé ka réyisi lèwvwè chakmoun ka konsantré-y plis asi sa i pé bay ki asi sa i ké rèsèvwa. É sa vré dépi on moun vlé antann-li byen èvè lézòt (Flp 2:3, 4). Si ou ka mèt an pratik sé konsèy-la ki an Bib-la avan ou mayé, sa ké édé mayé a-w pran on bon dépa.

GADÉ VIDÉO-LA PRÉPARÉ-W POU MAYÉ – 3^ÈM PATI : « KALKILÉ KONMEN SA KÉ KOUTÉ », APRÉSA RÉPONN A SÉ KÈSYON-LASA :

• Kijan sa té ka pasé ant sè-la é Shane ?

• Ka sè-la rèmawké lè i vin konnèt Shane plibyen ?

• Kijan paran a-y édé-y, é ki désizyon plen sajès jenn sè-la pran ?