Fasadé èvè pwoblèm a lajan èvè konfyans

Lavi adan sé dènyé jou-la chajé èvè pwoblèm. Pli nou ka rivé an bout a sistèm-lasa, é pli sé difikilté-la ka riské ògmanté. Sèwten biten pé rivé a manké (Abk 3:16-18). Ka ki ké édé-nou fasadé èvè pwoblèm a lajan èvè kouraj ? Fò nou kontinyé fè Jéova, Bondyé an nou, konfyans. I pwomèt i ké pran swen a sèwvitè a-y, é i pé ban-nou sa nou bizwen kèlkèswa sitiyasyon-la (Sòm 37:18, 19 ; Éb 13:5, 6).

Sa ou pé fè :

• Mandé Jéova gidé-w, ba-w sajès é soutyenn-vou (Sòm 62:8).

• Fò ou paré aksèpté on travay menmsi sé prèmyé fwa ou ka fè-y (g-F 1/10 8-9, ti karé).

• Kontinyé ni bon labitid èspirityèl, kivédi, li Pawòl a Bondyé touléjou, asisté réinyon a lasanblé-la é pawtisipé adan prédikasyon-la.

GADÉ VIDÉO-LA KONSTWI ON KAZ KI KÉ RÉTÉ DOUBOUT : « KONTANTÉ-W DÈ SA OU NI », APRÉSA RÉPONN A SÉ KÈSYON-LASA :

• Ki difikilté sèwten fanmi jwenn ?

• Ka ki pli enpòwtan adan lavi ?

• Kijan nou pé édé séla ki ka fasadé èvè pwoblèm a lajan ?