Élizé ka gadé Éli ka fè on mirak.
TRÉZÒ KI AN PAWÒL A BONDYÉ
On bèl ègzanp a fòwmasyon
[Montré vidéo-la Koudzyé asi liv a 2 Wa.]
Élizé gadé kijan Éli té ka fè on mirak (2Wa 2:8 ; w15-F 15/4 13 § 15 ; gadé imaj-la ki anlè po a kayé-la).
Élizé sèvi èvè bèl fòwmasyon-la i rèsèvwa la èvè imilité (2Wa 2:13, 14 ; w15-F 15/4 13 § 16).
Adan lasanblé-la, Jéova ba sé ansyen-la rèsponsabilité-la dè fòwmé lézòt (2Tm 2:2). Si sé ansyen-la ka pwopozé-w fòwmé-w, montré kè ou volontè, kè yo pé konté asi-w é kè ou ni imilité.