Kijan nou ka kouté Bondyé ?

Lè ou ka li Labib, sé Bondyé ki ka palé ba-w. 2 Timothée 3:16

Bondyé mandé plizyè nonm maké lidé-ay an Bib-la. Liv-lasa èspésyal. Adan-y, Bondyé mété anlo enfòwmasyon enpòwtan. I vlé fè nou konnèt-yo.

Bondyé sav sa ki méyè pou nou. Si nou kouté-y, nou ké sa pran bon désizyon (Deutéronome 12:28).

Bondyé vlé toutmoun li Labib. Ou pé touvé-y adan on pakèt lang.

Pou kouté Bondyé, fò nou li Labib é fò nou konprann-li osi.

Toupatou si latè, ni moun ka kouté Bondyé. Matthieu 28:19

Témwen a Jéova pé édé-w konprann Labib.

Toupatou si latè, yo ka aprann moun sa ki vré si Bondyé.

Ou pa bizwen péyé yo pou-w risivwè konésans-lasa. Anplisdisa, ou pé aprann konnèt Bondyé, la yo ka sanblé, adan on Sal di Wayòm.