Yo kouté Satan. Ka sa pòté ?

Adan é Èv mò paskè yo pa obéyi Bondyé. Genèse 3:6, 23.

Èv kouté sèpan-la é i manjé fwi-la. Aprésa, i ba Adan adan-y, ki li-menm osi manjé fwi-la.

Sa yo fè-la té mové, sété on péché. Sé pou sa Bondyé fè-yo sòti an Jadendédèn-la.

Lavi vin rèd ki pou yo, ki pou timoun a-yo. Adan é Èv koumansé vyéyi. Aprésa, yo fin pa mò. A pa ponkoté yo ay. Yo arété viv.

On moun-mò kon pousyè a latè : i pa ka viv. Genèse 3:19.

Nou ka mò pas nou tout sé pitit a Adan é Èv. Moun-mò pé pa vwè ayen, pé pa tann ayen, pé pa fè ayen (Ecclésiaste 9:5, 6, 10).

Jéova pa té vlé nou mò. Talè, I ké résisité moun ki mò, kivédi I ké wouba-yo lavi. Si yo kouté Bondyé, yo ké viv pou touttan.