9^èm PATI

Kitan latè ké vin on paradi ?

Tout mové biten ki ka fèt ka montré Wayòm-la toupré aji. Luc 21:10, 11 ; 2 Timothée 3:1-5

Problèm nou ka jwenn touléjou pannan dènyé jou a sistèm-lasa : moun ka jouwé jé, lagè, lamaladi, moun ka mò fen, timoun ki pa ka kouté fanmi a yo é moun ka lévé men si fanmi a yo

Labib té ja anonsé sa ki ka fèt jòdijou. I té ka di moun té ké enmé lajan, yo pa té ké kouté fanmi a-yo, yo té ké enmé fè moun soufè pa èspré, yo té ké vin zanmi a plézi.

I té ké tini gwo tranmanndtè, lagè, moun ka mò fen, é maladi grav. Sé sa ki ka fèt konnyéla.

On Témwen a Jéova ka préché bon nouvèl a Wayòm-la ba on misyé

Ni ondòt biten Jézi té di : disip a-y té ké préché labònnouvèl asi Wayòm a Bondyé toupatou si latè (Matthieu 24:14).

Wayòm a Bondyé ké fè tout kalité méchansté disparèt. 2 Pierre 3:13

Jéova ka détui sé méchan-la pannan Awmagédòn, é apré i ka pini Satan é démon a-y

Talè, Jéova ké détui tout sé méchan-la.

Jéova ké pini Satan é démon a-y.

Jézi sizé si tròn a-y an syél-la é toupatou si latè moun kontan

Moun ki ka kouté Bondyé ké viv adan on mond nouvo, on mond ki ké plen jistis. Pé ké ni ayen pou fè yo pè ankò. Yonn ké fè lòt konfyans. Yonn ké enmé lòt.