Pran kouraj a-w a dé men

Ègzanp a Jézi

VIDÉO : Jézi ka préché ba Zaché

1. Gadé VIDÉO-la oben li Lik 19:1-7. Aprésa réfléchi asi sé kèsyon-lasa :

1. Poukwa ni moun ki té ka ba Zaché gran lè a-y lè yo té ka vwè-y ?

2. Kanmenmsa ka ki ba Jézi anvi palé ba-y ?

Sa ègzanp a Jézi ka aprann-vou

2. Fò ou brav pou ou pé sa préché mésaj a Wayòm-la ba tout kalité moun.

Pou imité Jézi…

3. Fè fon asi Jéova. Jéova édé Jézi préché bon nouvèl-la èvè kouraj, grasa lèsprisen-la i ba-y la. Vou osi i pé ba-w fòs-la ou bizwen la, pou ou montré-w brav (Mat. 10:19, 20 ; Lik 4:18). Mandé Jéova ba-w kouraj pou ou pé sa préché ba tout kalité moun, menmsi adan yo ni moun ki ka fè-w pè (Akt 4:29).

4. Pa fè-w pon mové lidé asi moun-la. Dépawfwa sa ki ka frenné-nou, sé istil a moun-la, jan i ka viv oben rèlijyon a-y. Sé pé osi sitiyasyon a-y, ki i ka sanm on gwotchak ki i ka sanm on ti kyakya. Men pa oubliyé…

1. Jéova é Jézi kapab li an tchè a moun, men nou nou pé pa fè sa.

2. Jéova ka lonji men a-y pou édé toutmoun.

5. Montré-w brav, men anmenmditan aji èvè prékosyon é rèspé (Mat. 10:16). Pa rantré adan pon kalté déba. Si ou ka vwè moun-la pa entérésé oben i ka lévé cho, arété palé-la èvè jantiyès (Pwov. 17:14).