Ransègnman

AKÈY Ni frè ki la pou akéyi-zòt é pou édé-zòt. Kolaboré èvè yo, kivédi suiv tout konsèy yo ka ba-zòt pou zò garé vwati a zòt, pou sav jan pou déplasé koté-la lasanblé-la ka fèt la é ka pou zò fè pou rézèwvé déotwa plas, é pou dòt biten ankò.

BATÈM Si pa tini pondòt présizyon, moun ki kay pran batèm ké sizé anfas èvè lèstrad-la. Ni chèz ki rézèwvé èspré pou yo. Yo ké sizé la sanmdi maten, avan diskou a batèm-la koumansé. Yochak ké menné on mayo ki korèk é on sèwvyèt.

BITEN NOU TOUVÉ Si on moun pèd on zéfé a-y, pòté-y ba sèwvis « Biten nou touvé ». Si ou pèd on biten, ay owa sèwvis-lasa. Si on timoun pèd, yo pé menné-y la osi. Men sonjé a pa on krèch. Alò voyé zyé si timoun a zòt é fè-yo rété owa a zòt.

CHÈZ Tanprisouplé, sonjé lézòt. Rézèwvé chèz yenki pou fanmi a zòt, pou sa ki ka vwayajé an menm vwati ki zòt, ki ka rété an menm kaz ki zòt, oben ki ka étidyé Labib épi zòt. Pa mété ayen asi pondòt chèz.

OFRANN Pou i té tini asé chèz, on bon matéryèl pou sé vidéo-la é pou son-la, é onlo dòt biten ankò, sa mandé bon tibwen dépans. Men nou sèten sa ké pèwmèt-zòt pasé on bon lasanblé ki ké édé-zòt rapwoché-zòt dè Jéova. Si zò vlé, zò pé fè on ofrann. Konsa, ké ni mwayen fasadé èvè tout sé dépans-la sa mandé la. An menm balan-la, zò ké pé soutyenn travay ki ka fèt toupatou si latè pou aprann moun sa Labib ka di. Pou fè on don pli fasilman, tini bwat a ofrann kè zò ké pé touvé san pwoblèm. Men si sa posib, souplé, fè ofrann a zòt anlè Entèwnèt asi donate.jw.org. Kèlkèswa sa zò bay, sa ni onlo valè. Dayè, Komité santral la vlé di-zòt mèsi, davwa men a zòt gran wouvè pou soutyenn entéré a Wayòm-la.

PRÈMYÉ SÈKOU Sonjé kè sèwvis-lasa la yenki pou ba moun prèmyé swen é lè sa vréman nésésè.

VOLONTÈ On lasanblé ka mandé onlo travay. Si ou vlé bay on pal, ay vwè sèwvis « Volontè ».