VI A ON KRÉTYEN
Jéova enmé moun ki pwòp
« Ay lavé men a-w. Ay ranjé chanm a-w. Ay pasé balyé-la. Ay mèt sé poubèl-la déwò... » Onlo paran ka aprann timoun a yo kijan pou kò a yo é sa ki alantou a yo rété pwòp. Sé prensip-la asi lapwòpté ka vin an réyalité dè Bondyé an nou ki sen (Ègz 30:18-20 ; Dét 23:14 ; 2Ko 7:1). Lè nou ka fè éfò pou kò an nou é tout byen pèwsonèl an nou rété pwòp, nou ka onoré Jéova (1P 1:14-16). É ka nou pé di dè kaz an nou é dè sa ki alantou a-y ? Nou pa ka fè kon sé moun-la ki ka jété zòdi a yo ki sé si lawout oben ki sé asi sé plaj-la. Antankè krétyen, nou ka fè tousa nou pé pou latè rété pwòp (Sòm 115:16 ; Rév 11:18). Menm dé ti biten, kon ola nou ka jété papyé a bonbon an nou, boutèy an nou oben chiklèt an nou lè nou fin èvè yo, pé montré jan nou ka vwè lapwòpté. Adan tout domenn a vi an nou, nou vlé « montré nou sé sèwvitè a Bondyé » (2Ko 6:3, 4).
GADÉ VIDÉO-LA DIEU AIME QUE L’ON SOIT PROPRE, APRÉSA RÉPONN A SÉ KÈSYON-LASA :
Ki èskiz désèrten moun té ké pé bay pou pa tchenbé zéfé a yo pwòp ?
Kijan Lwa a Moyiz ka montré jan Jéova ka vwè lapwòpté ?
Kijan nou pé bay on témwagnaj san pawòl ki ka ba Jéova glwa ?
Kijan nou pé montré adan vi pèwsonèl an nou kè nou ka vwè lapwòpté menmjan ki Jéova ?