Ès ou pé bay adan tan a-w é adan fòs a-w ?

Kon Izayi té pwofétizé, pawti a òwganizasyon a Jéova ki si latè ka grandi on mannyè nou po’o jen vwè (Iz 54:2). Sé pousa nou bizwen konstwi dòt Sal di Wayòm, dòt Sal a lasanblé é dòt Bétèl. É anplisdisa, fò-nou antrètyenn sé batiman-lasa, é délè fò-nou réparé-yo. Sa ka ban-nou dé lokazyon pou nou ba Jéova tan an nou é fòs an nou. Ki lokazyon ésa ?

• Lè sé gwoup a prédikasyon an nou ki ka nétwayé Sal di Wayòm la, nou pé pawtisipé.

• Lèwvwè yo ka fòwmé moun pou antrètyenn Sal di Wayòm an nou, nou pé mandé pou pawtisipé.

• Nou pé ranpli on Demande d’admission comme volontaire local développement/construction (DC-50) pou pawtisipé pannan détwa tan adan travo ki ka fèt pou konstwi oben antrètyenn batiman ki toupré kaz an nou.

• Nou pé ranpli on Demande d’admission comme volontaire (A-19) pou sèvi pannan on simenn oben plis adan Bétèl-la oben adan batiman ki asi téritwa a filyal-la.

GADÉ VIDÉO-LA UN NOUVEAU PROJET DE CONSTRUCTION (EXTRAIT), APRÉSA RÉPONN A SÉ KÈSYON-LASA :

• Ki pwogré èstraòwdinè nou fè adan mannyè nou ka sèvi èvè sé vidéo-la dépi 2014 ?

• Konm sa nésésè dè fè plis vidéo ankò, ka yo prévwa konstwi é konmen tan sé travo-lasa dwètèt diré ?

• Ka pou fè pou pawtisipé adan pwojé-lasa ?

• Si nou vlé bay on pal asi chantyé a Ramapo, poukwa fò-nou ranpli on dèmann (DC-50) ki ka pèwmèt-nou soutyenn pwojé a LDC-la ki ka fèt toupré kaz an nou ?

• Anrapò èvè pwojé-lasa, ki prèv nou ni kè sé Jéova ki mèt a mannyòk ?

• Kijan nou pé soutyenn pwojé-lasa si sitiyasyon an nou pa ka pèwmèt-nou pawtisipé asi sé chantyé a konstriksyon la ?