Ki koté ou rivé asi chimen-la pou pran batèm ?
VI A ON KRÉTYEN
Chwazi sèvi Jéova
Si ou sé on jenn pwoklamatè ki po’o batizé oben on étidyan a Labib, ès ou ni konm òbjèktif dè pran batèm ? Ka ki dwèt ba-w lanvi-lasa ? Lè nou ka ba Jéova vi an nou é lè nou ka pran batèm, sé koumansé nou ka koumansé ni on lanmityé èspésyal èvè Pap’an nou ki an syèl-la (Sòm 91:1). Anplisdisa, sa pé pèwmèt-nou sové vi an nou (1P 3:21). Kijan ou pé kontinyé pwogrésé pou pran batèm ?
Fò ou sèten kè sé lavérité. Lèwvwè ou ka pozé-w kèsyon, fè rèchèch (Wom 12:2). Réfléchi asi ki chanjman ou dwèt fè, é fè-yo davwa ou vlé fè Jéova plézi (Pw 27:11 ; Éf 4:23, 24). Priyé Jéova toutlè pou i édé-w. Ou pé sèten i ké ba-w fòs é i ké soutyenn-vou grasa lèsprisen a-y ki puisan (1P 5:10, 11). Sa vo lapenn toubònman dè fè sé éfò-la ou ka fè la. Sèvi Jéova sé méyè vi ou pé chwazi ! (Sòm 16:11).
GADÉ VIDÉO-LA LE CHEMIN MENANT AU BAPTÊME, É RÉPONN A SÉ KÈSYON-LASA :
Ki difikilté sèwten té dwèt janmbé pou yo té pran batèm ?
Ka ki pé édé-w ni kantité fwa ki nésésè pou ba Jéova vi a-w ?
Ka ki ba sèwten anvi pwogrésé pou pran batèm ?
Ki bénédisyon ki ka atann séla ki ka chwazi sèvi Jéova ?
Ka sa vlé di ba Jéova vi a-w é pran batèm ?