Manifèsté lanmou adan fanmi a-w

Lanmou sé lakòl-la ki ka lyanné on fanmi. San lanmou, on fanmi ké ni dimal a rété soudé é a kolaboré ansanm. Kijan on mari, on madanm é sé paran-la pé manifèsté lanmou ?

On mari ki enmé madanm a-y ka tchenn kont dè sa i bizwen, dè sa i ka pansé, é dè sa i ka rèsanti (Éf 5:28, 29). I ka ba fanmi a-y sa i bizwen adan domenn matéryèl é èspirityèl. Pa ègzanp, i ka fè ansòt pou étid familyal la fèt chak simenn (1Tm 5:8). On madanm ki enmé mari a-y ka soumèt-li a mari a-y é i ka manifèsté on « gran gran rèspé » pou-y (Éf 5:22, 33 ; 1P 3:1-6). Ki sé mari-la ki sé madanm-la, fò yonn paré a padonné lòt volontyé (Éf 4:32). Dé paran ki plen lanmou ka entérésé-yo a chak timoun a yo pèwsonèlman, é yo ka aprann-yo enmé Jéova (Dét 6:6, 7 ; Éf 6:4). Ki difikilté timoun a yo ka jwenn lékòl ? Ès yo ka rézisté lè moun ka fè présyon asi yo ? Lè ni lanmou adan on fanmi, toutmoun ka santi-yo anpé é ansékirité.

GADÉ VIDÉO-LA MANIFESTEZ L’AMOUR INDÉFECTIBLE DANS VOTRE FAMILLE, APRÉSA RÉPONN A SÉ KÈSYON-LASA :

• 

  Kijan on mari ki plen lanmou ka nouri madanm a-y é ka pran swen a-y ?

• 

  Kijan on madanm ki plen lanmou pé montré on gran gran rèspé pou mari a-y ?

• 

  Kijan dé paran ki plen lanmou pé fè Pawòl a Bondyé rantré an tchè a timoun a yo ?