Tout éprèv ka fin on jou !

On éprèv pé fasilman dékourajé-nou, an pawtikilyé lè i ka diré. David té sav kè éprèv-la wa Sayil té ka fè-y sibi la té’é fin on jou é kè i té vin wa, kon Jéova té pwomèt (1S 16:13). Fwa a-y édé-y ni pasyans é atann kè Jéova aji.

Lè nou adan on éprèv, pétèt kè nou pé rivé a chanjé sitiyasyon an nou si nou ka pran prékosyon, si nou ka sèvi èvè konésans-la nou ni la oben si nou ka pran tan réfléchi (1S 21:12-14 ; Pw 1:4). Men menmsi nou fè tousa nou pé annakò èvè prensip a Labib, tout sé difikilté-la pé ké disparèt. Sé pousa, fò nou ké ni pasyans é atann kè Jéova aji. Talè, Bondyé ké fè tout soufrans an nou disparèt é « i ké suiyé tout dlo an zyé » an nou (Rév 21:4). Ki nou touvé on soulajman pas Jéova fè on biten ban nou oben pou ondòt rézon, ni on biten ki sèten : tout éprèv ka fin on jou ! Vérité-lasa pé ban-nou tibwen rékonfò.

GADÉ VIDÉO-LA UN PEUPLE UNI DANS UN MONDE DIVISÉ, APRÉSA RÉPONN A SÉ KÈSYON-LASA :

• Ki difikilté sèwten krétyen ki ka rété o sid a Lézétazini jwenn ?

• Kijan yo manifèsté pasyans é lanmou ?

• Kijan yo rété konsantré asi « sa ki pli enpòwtan » ? (Flp 1:10).