Préparé-w dépi konnyéla sianka fò yo swangné-w vitman

Poukwa sa enpòwtan ? Nenpòt kimoun pé touvé-y adan on sitiyasyon fò i ay oziwjans oben fò i rantré lopital onfwa-onfwa. Sé pousa, avan sa rivé, pran dispozisyon dépi konnyéla ki ké pèwmèt-vou pwofité anplen dè méyè trètman ki ka ègzisté. Konsa, ou ké montré tout rèspé ou ni pou lavi é pou lwa a Jéova asi lèsan (Akt 15:28, 29).

Kijan ou pé préparé-w ?

• Priyé é pran tan a-w pou ou byen ranpli on kat Instructions médicales/DPAa. On pwoklamatè ki batizé pé mandé frè-la ki ka okipé-y dè sé piblikasyon-la on kat DPA oben on Carte d’identité (ic) pou timoun a-y ki minè.

• Si ou ka atann on timoun, mandé sé ansyen-la dokiman-la Informations pour les femmes enceintes (S-401). Dokiman-lasa ké édé-w pran bon désizyon siwvwè on biten rivé toupannan tibébé-la an vant a-w oben pannan akouchman-la.

• Si fò yo swangné-w adan on lopital oben kè ou ka riské fasadé èvè kèsyon a san-la, palé sa èvè sé ansyen-la alavans é fè lopital-la sav kè ou té’é swété on rèprézantan a Témwen a Jéova vizité-w.

Kijan sé ansyen-la pé édé-w ? Sé ansyen-la pé édé-w ranpli kat DPA a-w. Pawkont, yo pé’é pran pon désizyon médikal an plas a-w é yo pé’é bay avi a yo nonplis asi kèsyon ki pèwsonèl (Wom 14:12 ; Gal 6:5). Lè ou ka fè sé ansyen-la sav kè ou ka riské dè ni a fasadé èvè kèsyon a san-la parapòt a santé a-w, yo ké pran kontak ba-w rapidman èvè komité-la pou fè lyannaj èvè sé lopital-la (CLH).

Kijan CLH-la pé édé-w ? Yo ka fòwmé sé frè-la ki ka fè pawti a CLH-la pou yo édé sé moun-la ki ka travay adan domenn a lasanté é adan domenn a lajistis konprann pozisyon an nou asi lèsan. Yo pé palé èvè mèdsen a-w dè métòd ki ka ègzisté pou swangné-w san ba-w san. Si sa nésésè, yo pé édé-w touvé on mèdsen ki paré a kolaboré.

GADÉ VIDÉO-LA KIJAN NOU PÉ SAV KI DÉSIZYON NOU PÉ PRAN ANRAPÒ ÈVÈ SAN-LA, LÈ FÒ NOU SWANGNÉ-NOU ?, APRÉSA RÉPONN A KÈSYON-LASA :

• Ka ou aprann adan vidéo-lasa ki pé édé-w pou ou paré sianka fò yo swangné-w vitman é kè pwoblèm a san-la ka pozé ?

  Répons a-w