VI A ON KRÉTYEN
Chèché konprann sa Bondyé ka pansé
Nou vlé fè Jéova plézi adan tousa nou ka fè (Pw 27:11). Pou nou rivé fè sa, fò nou pran désizyon ki annakò èvè jan i ka pansé menm lè pa ni on lwa prési pou gidé-nou. Ka ki pé édé-nou fè sa ?
Pran labitid étidyé Labib. Chaklè nou ka étidyé Labib, sé konsi nou té ka pasé tan èvè Jéova. Nou pé aprann asi jan Jéova ka pansé lèwvwè nou ka pran tan gadé jan i aji èvè pèp a-y é kè nou ka ègzaminé ègzanp a moun ki aji byen, oben ki mal aji, an zyé a-y. Lè nou ni on désizyon a pran, lèspri sen pé édé-nou sonjé sèwten lèson é prensip enpòwtan kè nou aprann adan Pawòl a-y (Jan 14:26).
Fè rèchèch. Lè ou ni on désizyon a pran, mandé-w : « Ki vèwsé oben ki istwa an Bib-la pé édé-mwen konprann sa Jéova ka pansé asi kèsyon-lasa ? » Priyé Jéova pou ni èd a-y é sèvi èvè sé zouti-la pou fè rèchèch la ki disponib adan lang a-w. Konsa ou ké pé touvé sé prensip biblik la ki ka korèsponn èvè sitiyasyon a-w é ou ké pé mété-yo an pratik (Sòm 25:4).
GADÉ VIDÉO-LA FÒ NOU « KOURI ÈVÈ ANDIRANS » : AN-NOU MANJÉ ON MANJÉ KI BON POU SANTÉ AN NOU, APRÉSA RÉPONN A SÉ KÈSYON-LASA :
Anba ki présyon jennsè-la ki adan vidéo-la vin touvé-y ?
Kijan ou té’é pé sèvi èvè zouti pou fè rèchèch lè ou ka fasadé èvè présyon konsa ?
Ki byenfé sa ka pwokiré-nou lè nou ka pran tan fè rèchèch é étidyé tousèl an nou oséryé pou pran bon désizyon ? (Éb 5:13, 14).