Fiksé-w òbjèktif pou péryòd a Mémoryal-la

Chak lanné, sèwvitè a Jéova présé sélébré Mémoryal-la ansanm. Pannan sé simenn-la ki ka vin avan é apré Mémoryal-la, nou ka pwofité dè sé lokazyon-la nou ni la pou louwé Jéova é pou di-y mèsi pou kado a ranson-la (Éf 1:3, 7). Pa ègzanp, nou ka travay rèd pou envité sé moun-la adan évènman-lasa. Sèwten adan nou ni posibilité chanjé pwogram a yo pou vin pyonyé an ranfò an maws oben an avril. Chakmoun ké pé chwazi fè 30 oben 50 è-d-tan. Ès ou té’é enmé fè plis adan ministè-la pannan péryòd a Mémoryal-la ki ka vin la ? Ka ki ké édé-w fè sa ?

Byensouvan, nou ka rivé fè plis biten lè nou ka pwogramé-yo alavans (Pw 21:5). Davwa nou toupré péryòd a Mémoryal-la, moman-la rivé pou nou òwganizé-nou. Alò réfléchi asi jan ou té’é enmé fè plis adan ministè a-w pannan péryòd-lasa, é gadé ka pou ou fè pou rivé atenn sé òbjèktif-lasa. Aprésa mandé Jéova béni éfò a-w (1Jn 5:14, 15).

Ès ou pé réfléchi asi jan ou pé fè plis adan ministè a-w pannan péryòd a Mémoryal-la ?