TRÉZÒ KI AN PAWÒL A BONDYÉ

« Tchè an mwen ké toujou la »

Jéova chwazi on tanp pou limenm (2Kr 7:11, 12).

Lè Jéova di kè tchè a-y té’é toujou la, i té vlé di kè i té ké entérésé-y dè pré a sa ki té ké pasé adan kaz-lasa, ki té lyanné èvè non a-y (2Kr 7:16 ; w02-F 15/11 5 § 1).

Si sé Izraélit-la té ka arété maché douvan Jéova « èvè tout tchè a yo », Jéova té’é pèwmèt Tanp-la détwi (2Kr 6:14 ; 7:19-21 ; it-2-F 1048 § 5).

On séri imaj : Aksyon pou adoré Bondyé. 1) On frè ka priyé. 2) On sè ka bay on komantè pannan on réinyon a lasanblé-la. 3) On frè é madanm a-y ka travay ansanm an prédikasyon. 4) On frè ka nétwayé sal di Wayòm la. 5) On frè ka fè étid familyal la èvè madanm a-y é 2 timoun a-y. 6) On sè ka li Labib. 7) On sè ka mèt on ofrann adan on bwèt a ofrann.

Lè yo inogiré Tanp-la, sé Izraélit-la dwèt té ka pansé kè pwòp tchè a yo té’é toujou an Tanp-la. Malérèzman, balan a yo pou sèvi Jéova disparèt piti-a-piti.

MANDÉ-W : « Ka ki ka montré kè an ka adoré Jéova èvè tout tchè an mwen ? »