Moun ki vlé fè Jéova plézi ka pran bon désizyon

Li Jénèz 25:29-34 pou vwè si Ézayi é Jakòb pran bon désizyon.

Chèché a sav sa ki pasé avan é apré istwa-la. Ka ki pasé avan sa fèt ? (Jén. 25:20-28). Ka ki pasé apré sa fèt ? (Jén. 27:1-46).

Fè rèchèch asi sé ti détay-la. A épòk-lasa, lè on moun té prèmyé gason a fanmi a-y, ki rèsponsabilité i té ni é ka sa té ka pwokiré-y ? (Jén. 18:18, 19 ; w10-F 1/5 13).

• Pou on moun té fè pati a zansèt a Mési-la, ès sa té toujou nésésè kè i té prèmyé gason a fanmi a-y ? (w17.12-F 14-15).

Gadé pou vwè ka sa ka aprann-vou é kijan ou pé mèt sa an pratik an vi a-w. Poukwa plas a prèmyé gason-la té ni plis valè pou Jakòb ki pou Ézayi ? (Ébr. 12:16, 17 ; w03-F 15/10 28-29). Lè Jéova té ka vwè Ézayi é Jakòb, ka i té ka rèsanti, é poukwa i té ka rèsanti sa ? (Mal. 1:2, 3). Ka Ézayi té dwèt fè pou pran pibon désizyon ?

• Mandé-w : Kijan an pé montré kè adoré Jéova sé on biten ki vréman enpòwtan ? Ès an ka pran on tan chak simenn pou fè dé biten ki ké édé-mwen rété bon bon zanmi èvè Jéova, kon étid familyal la pa ègzanp ?