Gadé byen ka sé imaj-la ka aprann-vou

Adan piblikasyon an nou, nou ka touvé onlo imaj ki ka aprann-nou dé biten enpòwtan. Alò kijan sé imaj-lasa pé édé-w ?

• Gadé sé imaj-la avan ou koumansé li on awtik. Yo pé ba-w gou pou-w li awtik-la. Lè yo ka mèt on bon ti manjé adan on zasyèt, vwè ou vwè-y sa ja ka mèt dlo an bouch a-w é ou présé gouté-y. Alò, avan ou li on awtik, mi sa pou-w mandé-w : « Ka an ka vwè asi imaj-la ? » (Amòs 7:7, 8).

• Pannan ou ka li, chèché a konprann poukwa sé sé imaj-lasa yo chwazi. Si ni dé biten ki maké anba sé imaj-la é adan pawti-la « Sa nou ka vwè asi imaj-la », li-yo. Gadé pou vwè ki lyannaj ki ni ant paragraf-la é imaj-la é éséyé vwè kijan ou pé mèt sa ou aprann an pratik adan vi a-w.

• Apré ou fin li tout awtik-la, gadé sé imaj-la ankò é sèvi èvè yo pou-w sonjé sé lidé enpòwtan la. Lè ou fin fè sa, fèmé 2 zyé a-w é éséyé sonjé imaj-la adan lèspri a-w é sa i aprann-vou osi.

• Gadé sé imaj-la ki adan Tou dè Gad lasa é gadé pou vwè si ou ka sonjé sa sé imaj-la aprann-vou.