Étidyé pou-w pé sa pawtajé sa ou aprann

Lè nou ka étidyé, sa ka fè-nou dibyen. Sé bèl biten-la nou aprann la ka fè-nou vin pi bon zanmi èvè Jéova. Alò si nou ka pawtajé sa nou aprann èvè ondòt moun, sa ké fè-nou plis byen ankò. Pwovèb 11:25 ka di : « On moun ki ka ankourajé lézòt, yo ké ankourajé-y osi. »

Lè nou ka pawtajé sa nou aprann èvè lézòt, sa ka édé-nou sonjé sé lidé-la pli fasilman é sa ka édé-nou konprann plis biten. É konm sa nou ka pawtajé èvè yo la ka fè-yo dibyen, nou ka kontan lè nou pawtajé sé ti pèwl-lasa èvè yo (Akt 20:35).

Éséyé sa : Pannan simenn-la ki ka vin la, éséyé chèché on lokazyon pou palé èvè on moun dè sa ou aprann. Sé pé èvè on moun an fanmi a-w, on moun an lasanblé a-w, on kolèg-travay, on kanmarad-lékòl, on vwazen oben on moun ou jwenn an téritwa-la. Éséyé palé dè sé lidé-la èvè mo a-w ki ta-w. Chwazi dé mo ki senp é kè moun pé konprann fasilman.

Toujou sonjé sa : Lè ou ka pawtajé sa ou aprann èvè on moun, sé pou ankourajé-y men a pa pou fè moun-la pòté-w anlè (1 Kor. 8:1).