Nòt anba a paj-la
a Ès ou ja tann on frè oben on sè ki ka sèvi Jéova dépi nanni-nannan di konsa : « A laj an mwen, an pa jen konpranndèdi kè an té’é viv adan mond méchan lasa toujou ». A pa ti présé nou présé vwè Jéova fin èvè mond-lasa pas pi sa k’ay é pi sitiyasyon-la ka vin mové. Men fò-nou fè on travay asi nou pou nou pé sa ni pasyans. Adan awtik-lasa, nou ké ègzaminé déotwa prensip a Labib ki ké édé-nou atann Jéova èvè pasyans. Nou ké vwè osi dé sitiyasyon ki mérité kè nou pran pasyans. É pou fin, nou ké vwè ki bon biten sa ké pòté ban nou, si nou kontinyé ni pasyans.