LÈSON 10

Mèt koulè adan sa ou ka di

Pwovèb 8:4, 7

SA POU-W FÈ : Jouwé èvè fòs a vwa a-w, mété santiman-la ki fo la é pa palé èvè menm vitès-la toutlè pou sa ou ka di vin pli klè é pou touché tchè a moun.

KIJAN POU-W FÈ :

Pa palé èvè menm fòs-la toutlè. Palé pli fò pou fè sé lidé prensipal la sòti é pou ba moun ki ka kouté-w anvi aji. Fè menm biten lè ou ka li jijman ki adan Bib-la. Palé pli ba pou ba sé moun-la anvi kouté sa ou kay di. Fè menm biten pou palé dè on sitiyasyon ki ka trakasé moun oben ki ka fè moun pè.

Pa palé fò touttan pou sé moun-la ki ka kouté-w la pa ni lenprésyon ou ka voyé ba yo. Fò pa sé moun-la ka rété ka gadé-w pas ou té’é di sé téat ou ka jouwé.
Palé èvè santiman-la ki fo la. Fè vwa a-w monté pou palé èvè plis chalè. Fè menm biten lè ou ka palé dè grandè a on biten oben on distans. Fè vwa a-w désann pou palé dè on sitiyasyon ki tris oben ki ka trakasé moun.
Pa palé èvè menm vitès-la toutlè. Palé pli vit pou montré lakontantman. Palé mwen vit lè ou ka palé dè lidé enpòwtan.

Pou pa fè tchè a moun soté, pa enki mété-w ka palé vit onsèl kou. Pa palé two vit pou pa manjé sé mo-la.