Ka pou ou fè pou bénéfisyé anplen dè étid biblik lasa

Vèwsyon papyé

Étidyé bwochi-lasa èvè on moun : Mandé moun-la ki ba-w bwochi-lasa si i pé étidyé-y èvè-w, oben fè on dèmann anlè sit Entèwnèt an nou, jw.org.

PRÈMYÉ PATI

Li chak paragraf, sé kèsyon-la ki pi fonsé la (A) é sé vèwsé-la (B) ki k’ay èvè sé lidé enpòwtan la. Ou ké vwè ni sèwten vèwsé yo ka mandé-w “li”.

On imaj a prèmyé pawti a on lèson. Sé lèt A é B la ka montré sèwten biten ki adan pawti-lasa.

DÉZYÈM PATI

Prèmyé fraz-la (C) ki adan An-nou fouyé pi fon ka èspliké-w dè ki biten nou k’ay palé. Sé soutit-la (D) ka ba-w plan a ti kozé-la nou k’ay fè la. Li sé vèwsé-la, réponn a sé kèsyon-la, é gadé sé vidéo-la (E).

On imaj ki ka montré dézyèm pawti a on lèson. Sé lèt C, D é E la ka montré sèwten biten ki adan pawti-lasa.

Gadé sé imaj-la é sé ti réflèksyon-la ki k’ay èvè yo la (F), é lè ou rivé a Mi sa moun ka di (G), éséyé vwè kijan ou té’é réponn.

On imaj ki ka montré dézyèm pawti a on lèson. Sé lèt F é G la ka montré sèwten biten ki adan pawti-lasa.

TWAZYÈM PATI

Lèson-la ka bout èvè On ti rézimé é Ka ou woutyenn (H). Maké jou-la lèson-la fin la. On biten ou pé éséyé fè (I) ka di-w ka ou té’é pé fè pou pwogrésé. Adan Ay gadé sa osi (J) ou ka touvé dòt enfòwmasyon kè ou ké pé li oben gadé.

On imaj ki ka montré twazyèm pawti a on lèson. Sé lèt H, I é J la ka montré sèwten biten ki adan pawti-lasa.

On imaj ki ka montré on paj a Labib. Sé lèt A, B é C la ka montré kijan pou sèvi èvè Labib.

Kijan pou touvé sé vèwsé-la an Bib-la

Pou touvé on pasaj adan Bib-la yo ka ba-w non a liv-la (A), chapit-la (B), é vèwsé-la ou sé vèwsé-la (C). Pa ègzanp, Jan 17:3 ka voyé-w adan liv a Jan, chapit 17, vèwsé 3.