• Wayòm a Bondyé, ka sa yé ojis ?
    Ou pé ni tchè-kontan pou touttan ! (On étid biblik ki ké fè-w dibyen)
    • Lèson 31. Jézikri douvan Jéova antankè Wa an syèl-la.

      LÈSON 31

      Wayòm a Bondyé, ka sa yé ojis ?

      Adan Bib-la, ni on tèm enpòwtan ki ka wouvin souvan, sé wayòm a Bondyé. Jéova ké sèvi èvè wayòm-lasa pou fè sa i té prévwa lè i té kréyé latè. Ka ki wayòm a Bondyé ? Kijan nou fè sav kè i ja ka fonksyonné ? Ka i ja fè é ka i ké fè ? Nou ké réponn a sé kèsyon-lasa adan lèson-lasa é adan sé 2 la ki ka vin la.

      1. Ka ki wayòm a Bondyé é kimoun ki wa adan wayòm-lasa ?

      Wayòm-la sé on gouvènman kè Jéova mèt anplas. Sé Jézikri ki wa adan wayòm-lasa é twòn a-y ka touvé-y an syèl-la (Matyé 4:17 ; Jan 18:36). Labib ka di kè Jézi ké gouvèné « pou touttan » (Lik 1:32, 33). Onlè, toutmoun ki asi latè ké anba otorité a-y.

      2. Kimoun ka gouvèné èvè Jézi ?

      A pa Jézi tousèl ki ka dirijé wayòm-la. Bib-la ka di kè ‘moun ki sòti adan tout tribi, tout lang, tout pèp é tout nasyon, ké dirijé latè antankè wa’ (Révélasyon 5:9, 10). Konmen moun ké dirijé èvè Jézi ? Dépi Jézi vin asi latè, ni plizyè milyon moun ki vin disip a-y. Men a pa yotout ki ka gouvèné èvè-y an syèl-la. Pawmi yo, sé yenki 144000 ki kay gouvèné èvè Jézi (li Révélasyon 14:1-4). Tout rèstan disip a Jézi ké touvé-yo si latè anba dominasyon a Wayòm-la (Sòm 37:29).

      3. Poukwa wayòm a Bondyé méyè ki tout gouvènman ki asi latè ?

      Menm lè on dirijan anvi fè onlo bon biten pou popilasyon-la i pé pa fè tousa i té’é swété. Anplisdisa, onlè, sé ondòt moun ki ké pran plas a-y é moun-lasa ké ka sonjé yenki li. É pétèt menm kè i pa ni lentansyon fè ayen dè bon pou popilasyon-la. Men moun-la ki ka dirijé wayòm a Bondyé, ponmoun pé’é ranplasé-y. Bondyé « mété on wayòm anplas, on wayòm yo pé ké janmé détwi » (Danyèl 2:44). Anplisdisa, Jézi ké dirijé tout latè san fè pon préférans. Jézi plen lanmou, sé on bon moun é i jis. Jézi ké édé toutmoun fè kon-y, i ké aprann-yo aji èvè lanmou, èvè bonté, é èvè jistis (li Izayi 11:9).

      AN-NOU FOUYÉ PI FON

      An-nou vwè poukwa wayòm a Bondyé pibon ki nenpòt ki gouvènman ki asi latè.

      Jézi sizé si on twòn an syèl-la é i ka gouvèné asi latè. Ni 144000 moun ki ka gouvèné ansanm èvè-y é yo sizé dèyè do a-y. Lè nou ka éséyé gadé pi fon, Jéova ka voyé bon limyè.

      4. Wayòm a Bondyé ké gouvèné tout latè

      Pa ni pon dirijan ki ja pasé asi latè ki ni plis pouvwa ki Jézikri. Li Matyé 28:18 é fè on ti kozé asi kèsyon-lasa :

      • Poukwa nou pé di kè Jézi ni plis otorité ki nenpòt ki dirijan ki asi latè ?

      Sé gouvènman-la ka chanjé toutlè é sé yenki on pati a latè yo ka dirijé. Ès sé ké menm biten pou wayòm a Bondyé ? Li Danyèl 7:14 é fè on ti kozé asi sé kèsyon-lasa :

      • Dominasyon a wayòm a Bondyé, « sé on dominasyon ki étèwnèl ». Poukwa sé on bon biten ?

      • Wayòm a Bondyé ké dirijé tout latè. Poukwa sé on bon biten ?

      5. Fò nou chanjé gouvènman

      Fò wayòm a Bondyé pran plas a tout gouvènman ki asi latè. Poukwasa ? Gadé VIDÉO-la é fè on ti kozé asi kèsyon-la ki ka vin la.

      VIDÉO : Ka wayòm a Bondyé yé ? (on mòso adan vidéo-la) (1:41)

      • Ja ni konmen syèk lézòm ka gouvèné. Ki rézilta sa bay ?

      Li Éklézyas 8:9 é fè on ti kozé asi kèsyon-lasa :

      • Ès ou ka di fò wayòm a Bondyé ranplasé tout gouvènman ki asi latè ? Poukwa ou ka di sa ?

      6. Adan wayòm a Bondyé sé moun-la ki ka dirijé-nou la ka konprann-nou

      Jézi, Wa a Wayòm-la, ni lokazyon viv asi latè, kifè i « kapab konprann féblès an nou » (Ébré 4:15). Sé Jéova ki ka chwazi moun ki kay gouvèné èvè Jézi, é yo a 144000. Pawmi yo ni dé nonm é dé madanm « ki sòti adan tout tribi, tout lang, tout pèp é tout nasyon » (Révélasyon 5:9).

      • Lè ou ka vin sav kè Jézi é sé 144000 la pé konprann ki difikilté nou ka jwenn é sa nou ka rèsanti, ka sa ka fè-w ?

      Misyé é madanm a diféran épòk, ki ni lèspwa ay viv an syèl-la.

      Sé misyé-la é sé madanm-la Jéova ka chwazi la pou ay gouvèné èvè Jézi sòti adan tout nasyon.

      7. Pa ni pi bon lwa ki ta wayòm a Bondyé

      Sé gouvènman-la ka mèt sèwten lwa anplas an péyi a yo pou pwotéjé sé sitwayen-la é pou fè-yo dibyen. Menmjan-la, wayòm a Bondyé ka mèt sèwten lwa anplas pou sé moun-la ki ké viv anba dominasyon a-y. Li 1 Korentyen 6:9-11 é fè on ti kozé asi sé kèsyon-lasa :

      • Lè toutmoun ké ka suiv lwa a Bondyé, kijan lavi ké yé asi latèa ?

      • Ès Jéova andwa mandé sitwayen a Wayòm-la rèspèkté sé lwa-lasa ? Poukwa ou ka di sa ?

      • Kijan nou fè sav kè moun ki pa ka suiv lwa a Bondyé pé chanjé ? (gadé vèwsé 11 la).

      On polisyé ka fè on vwati atann pou ba moun travèsé. Jenn kon vyé moun ka travèsé.

      Sé gouvènman-la ka mèt sèwten lwa anplas pou pwotéjé sé sitwayen-la é pou fè-yo dibyen. Menmjan-la, wayòm a Bondyé ka mèt sèwten lwa anplas. Yo méyè ki ta sé gouvènman-la, é yo la pou fè-nou dibyen.

      MI SA YO TÉ’É PÉ MANDÉ-W : « Wayòm a Bondyé ka sa yé ojis ? »

      • Ka ou té’é réponn ?

      ON TI RÉZIMÉ

      Wayòm a Bondyé sé on gouvènman ki ka ègzisté poubon ; i an syèl-la, é talè i ké dirijé tout latè.

      Ka ou woutyenn

      • Adan wayòm a Bondyé kimoun ki ka dirijé ?

      • Poukwa wayòm a Bondyé méyè ki tout gouvènman ki asi latè ?

      • Jéova vlé kè sitwayen a Wayòm-la suiv sèwten règ. Ès ou konnèt déotwa adan yo ?

      On biten ou pé éséyé fè

      AY GADÉ SA OSI

      Ès Jézi anségné kè wayòm a Bondyé andidan tchè an nou ?

      « Ès wayòm a Bondyé andidan tchè an nou ? » (on awtik ki asi jw.org)

      Ka sé Témwen a Jéova la paré a fè pou yo pé sa rété fidèl a wayòm a Bondyé ?

      Yo pa jen lagé Wayòm-la (1:43)

      Gadé ka labib ka èspliké anrapò èvè sé 144000 moun-la kè Jéova chwazi pou ay gouvèné èvè Jézi an syèl-la.

      « Kimoun ki kay an syèl-la ? » (on awtik ki asi jw.org)

      On madanm té ka lité kont lenjistis. Vi a-y chanjé bout-pou-bout lè i vin sav kè sé yenki Bondyé ki ké mèt on lòd adan sa.

      « J’ai découvert la solution à l’injustice » (Réveillez-vous ! a novanm 2011)

      a Nou ké ègzaminé déotwa adan sé lwa-lasa, adan 3èm pati a liv-la.

  • Wayòm a Bondyé ja anplas an syèl-la !
    Ou pé ni tchè-kontan pou touttan ! (On étid biblik ki ké fè-w dibyen)
    • Lèson 32. Jézi an syèl-la antankè Wa. I ka tchenbé on baton a wa an men a-y, é i ka gouvèné si latè.

      LÈSON 32

      Wayòm a Bondyé ja anplas an syèl-la !

      Bondyé mèt wayòm a-y anplas an syèl-la an 1914. Dépi sa, tout gouvènman ki asi latè toupré fin bat. Kijan nou fè sav sa ? Si nou ka di sa, sé parapòt a sé pwofési-la ki an Bib-la é parapòt a sa ki ka fèt asi latè dépi 1914. An-nou pran tan gadé sa.

      1. Ka sé pwofési-la ki an Bib-la té ka anonsé ?

      Liv a Danyèl té ka anonsé kè wayòm a Bondyé té’é koumansé gouvèné an bout a on péryòd Bib-la ka kriyé « sèt tan » (Danyèl 4:16, 17). Plizyè syèk plita, Jézi kriyé menm péryòd-lasa « tan-la yo ba sé nasyon-la », é i di kè péryòd-lasa poto’o fin (Lik 21:24). Kon nou ké vwè toutalè, sé sèt tan-la bout an 1914.

      2. Ka i ka fèt asi latè dépi 1914 ?

      Disip a Jézi mandé-y : « Ki sign ki ké montré kè ou la é kè mond-la kay bout ? » (Matyé 24:3). Jézi réponn-yo é i di-yo kè lè i té’é Wa adan Wayòm-la an syèl-la, tousuit apré, té’é ni onlo biten ki té’é fèt asi latè. I di-yo kè té’é ni lagè, trannmandtè é kè moun té’é mò-fen (li Matyé 24:7). Anplisdisa, Labib anonsé kè pannan sé « dènyé jou-la » sé moun-la té’é ni on mové konpòwtasyon é kè akòz dè sa, sitiyasyon-la té’é « rèd a sipòté » (2 Timoté 3:1-5). Konmdi-konmfèt, dépi 1914, sé sa nou ka vwè.

      3. Poukwa mond-la an boulvès konsa dépi wayòm a Bondyé anplas an syèl-la ?

      Vin i vin Wa adan Wayòm-la, Jézi fè lagè èvè Satan é sé démon-la. Lagè-lasa fèt an syèl-la é Satan pèd konba. Bib-la ka di kè « yo jété-y asi latè, é yo jété zanj a-y èvè-y » (Révélasyon 12:9, 10, 12). Satan sav yo ké fè-y fè pach é i anrajé toubònman ! Alò, i ka fè onlo malè rivé é i ka fè onlo moun soufè asi latè. Mi sé pousa nou an chiklèt-lasa konnyéla ! Men wayòm a Bondyé ké mèt on milyé adan sa.

      AN-NOU FOUYÉ PI FON

      An-nou vwè kijan nou fè sav kè Bondyé mèt Wayòm-la anplas an 1914. An-nou vwè osi ka nou pé fè pou montré toutmoun kè nou sèten Wayòm-la ja anplas.

      4. Ki kalkil nou ka fè pou nou rivé a 1914

      Gadé VIDÉO-la.

      VIDÉO : Wayòm a Bondyé koumansé gouvèné an 1914 (5:02)

      Apépré 600 an avan épòk an nou, Nabikodonozò sé té wa a Babilòn. Jéova fè-y fè on rèv pou i té montré-y ka ki té’é rivé plita. Lè nou ka gadé jan Danyèl èspliké rèv-lasa é lè nou ka gadé rèv-la limenm a-y, nou ka konprann kè sa ni on rapò èvè Nabikodonozò é èvè wayòm a Bondyéa (li Danyèl 4:17).

      Li Danyèl 4:20-26 é aprésa, sèvi èvè tablo-la pou réponn a sé kèsyon-la ki ka vin la :

      • A) Ka Nabikodonozò vwè an rèv a-y ? (gadé sé vèwsé 20 é 21 la).

      • B) Ka i ka rivé pyébwa-la ? (gadé vèwsé 23 la).

      • C) Lè sé « sèt tan-la » ka fin, ka i ka pasé ? (gadé vèwsé 26 la).

      Ki lyannaj ki ni ant pyébwa-la Nabikodonozò vwè la é wayòm a Bondyé ?

      PWOFÉSI-LA (Danyèl 4:20-36)

      Dominasyon-la

      A) On manman pyébwa

      On kalté manman pyébwa.

      Dominasyon-la arété

      B) « Koupé pyébwa-la […] jistan sèt tan pasé »

      On chouk a pyébwa kè yo lantouré èvè fè é kuiv.

      Dominasyon-la woupran

      C) « Yo ké wouba-w wayòm a-w »

      On kalté manman pyébwa.

      Lè pwofési-lasa akonpli prèmyé fwa-la...

      • D) Kimoun pyébwa-la té ka rèprézanté ? (gadé vèwsé 22 la).

      • E) Kijan dominasyon a-y arété ? (li Danyèl 4:29-33).

      • F) Lè sé « sèt tan-la » fin, ka i rivé Nabikodonozò ? (li Danyèl 4:34-36).

      PRÈMYÉ FWA PWOFÉSI-LA AKONPLI

      Dominasyon-la

      D) Nabikodonozò, wa a Babilòn

      Nabikodonozò doubout on mannyè byen awogan.

      Dominasyon-la arété

      E) Apré 606 avan épòk an nou, Nabikodonozò pèd tèt a-y é i pa té annéta gouvèné pannan 7 lanné

      Nabikodonozò a kalpat adan on chan, é i ka manjé zèb kon zannimo.

      Dominasyon-la woupran

      F) Nabikodonozò woupran sans a-y é i woukoumansé gouvèné

      Wa Nabikodonozò doubout èvè 2 bra a-y anlè pou ba Jéova glwa.

      Lè pwofési-lasa akonpli dézyèm fwa-la...

      • G) Kimoun pyébwa-la té ka rèprézanté ? (li 1 Kronik 29:23).

      • H) Kijan dominasyon-lasa arété ? Kijan nou fè sav kè dominasyon-lasa poto’o woupran lè Jézi té asi latè ? (li Lik 21:24).

      • I) Ki koté é kitan dominasyon-la woupran ?

      DÉZYÈM FWA PWOFÉSI-LA AKONPLI

      Dominasyon-la

      G) Sé wa a Izrayèl la ki ka rèprézanté dominasyon a Bondyé

      Plizyè wa a Izrayèl sizé si on twòn yonn dèyè lòt. On limyè ki sòti an syèl-la ka kléré-yo.

      Dominasyon-la arété

      H) Yo ka détwi Jérizalèm, é pa ni wa asi twòn a Izrayèl pannan 2520 an

      On gwo difé ka détwi Jérizalèm an 607 avan épòk an nou. 2500 lanné ka pasé aprésa.

      Dominasyon-la woupran

      I) Jézi ka vin Wa adan wayòm a Bondyé an syèl-la

      Dépi 1914, Jézi sizé si twòn a-y. Étan an syèl-la i ka gouvèné latè. I ka voyé limyè.

      Konmen tan sé ‘sèt tan-la’ diré ?

      Byensouvan, pou ou rivé konprann on pasaj an Bib-la, fò ou sèvi èvè ondòt pasaj. Pa ègzanp, liv a Larévélasyon ka di-w kè 3 tan é-dèmi ka ba-w 1260 jou (Révélasyon 12:6, 14). Kifè, si 3 tan é-dèmi sé 1260 jou, 7 tan sé 2 fwa plis, kivédi 2520 jou. Dépawfwa, adan Labib, on jou ka rèprézanté on lanné (Ézékyèl 4:6). É jistèman, adan pwofési a Danyèl ki ka palé dè sé ‘sèt tan-la’, nou an ka-lasa. Savédi kè sé ‘sèt tan-la’ ka rèprézanté 2520 an.

      5. Dépi 1914, ayen pa kon avan

      Gadé VIDÉO-la.

      VIDÉO : Dépi 1914, ayen pa kon avan (1:10)

      Jézi anonsé ka ki té’é fèt asi latè lèwvwè i té’é vin Wa. Li Lik 21:9-11 é fè on ti kozé asi kèsyon-lasa :

      • Pawmi tousa ki maké adan sé vèwsé-lasa, ka ou ka vwè ka fèt an 2 zyé a-w ?

      Lapòt Pòl èspliké kijan sé moun-la té’é yé pannan sé dènyé jou-la, kivédi lèwvwè dominasyon a lézòm té’é toupré bout. Li 2 Timoté 3:1-5 é fè on ti kozé asi kèsyon-lasa :

      • Pawmi tout sé konpòwtasyon-la ki adan vèwsé-lasa, kilès ou ja vwè alantou a-w ?

      On séri imaj : Plizyè imaj ki ka montré sa ki ka fèt asi latè pannan sé dènyé jou-la. 1. Toupannan i asi on podyòm, on chèf militè ka hélé èvè pwen a-y anlè. 2. Plizyè batiman ki tonbé apré on trannmandtè. 3. Aviyon a lawmé. 4. Moun ki ka maché an lari, é yo ni on mas an figi a yo pou pwotéjé-yo. 5. Dé gran batiman ka brilé a Nouyòk akòz dè on atak téworis. 6. On misyé ka pran dwòg. I ka sèvi èvè on zégui. 7. On misyé ka ba madanm a-y kou, é i ka hélé anlè-y. 8. Déotwa boutèy alkòl, é plizyè kalté dwòg diféran. 9. Dé madanm byen sapé ka pran-yo an foto. 10. On D. J. ka joué mizik adan on konsèw. 11. Adan on manifèstasyon, on misyé ka voyé on boutèy ki plen difé.

      6. Fè toutmoun vwè kè ou sèten kè wayòm a Bondyé ja anplas an syèl-la

      Li Matyé 24:3, 14 é fè on ti kozé asi sé kèsyon-lasa :

      • Ki travay enpòwtan ki ka montré kè wayòm a Bondyé ja anplas ?

      • Ka ou pé fè pou pawtisipé adan travay-lasa ?

      Wayòm a Bondyé ja koumansé fonksyonné, é talè, i ké gouvèné tout latè. Li Ébré 10:24, 25 é fè on ti kozé asi kèsyon-lasa :

      • Pi ‘nou ka vwè jou-la ka rivé’, ka nouchak dwèt fè ?

      On séri imaj : 1. On madanm ki ka étidyé Labib ka asisté on réinyon a Témwen a Jéova. 2. Menm madanm-lasa ka préché ba on madanm i konnèt.

      Si ou vin konnèt on enfòwmasyon ki pé édé moun é ki pé sové vi a yo, ka ou ké anvi fè ?

      MI SA YO TÉ’É PÉ MANDÉ-W : « Poukwa Témwen a Jéova ka di kè 1914 sé on lanné ki enpòwtan ? »

      • Ka ou té’é réponn ?

      ON TI RÉZIMÉ

      Sé pwofési-la ki an Bib-la é sa ki ka pasé alantou an nou ka montré kè wayòm a Bondyé ja anplas an syèl-la. Nou ka montré toutmoun kè nou sèten dè sa lè nou k’ay préché é lè nou k’ay réinyon.

      Ka ou woutyenn

      • Adan pwofési a Danyèl, yo ka palé-nou dè on péryòd ki ka diré ‘sèt tan’. Lè péryòd-lasa fin, ka ki pasé ?

      • Poukwa ou sèten kè Bondyé mèt wayòm a-y anplas an 1914 ?

      • Kijan ou pé montré toutmoun kè ou sèten kè wayòm a Bondyé ja anplas ?

      On biten ou pé éséyé fè

      AY GADÉ SA OSI

      Déotwa èspésyalis a Listwa é dòt èspésyalis ankò ka palé dè sa ki chanjé asi latè dépi 1914.

      « Depuis quand ce déclin brutal ? » (Réveillez-vous ! a avril 2007)

      Gadé kijan pwofési a Matyé 24:14 chanjé vi a on nonm.

      « J’aimais le baseball plus que tout au monde ! » (Tou dè Gad no 3 a 2017 an fransé)

      Kijan nou fè sav kè pwofési-la nou ka touvé an Danyèl chapit 4 ni on rapò èvè wayòm a Bondyé ?

      « Quand le Royaume de Dieu a-t-il commencé à régner ? (1re partie) » (Tou dè Gad a 1é òktòb 2014 an fransé)

      An Danyèl chapit 4 yo ka palé dè « sèt tan ». Ka i ka montré kè yo fin an 1914 ?

      « Quand le Royaume de Dieu a-t-il commencé à régner ? (2e partie) » (Tou dè Gad a 1é novanm 2014 an fransé)

      a Adan lèson-lasa, jété on koudzyé asi 2 dènyé awtik-la ki adan « Ay gadé sa osi ».

  • Sa Wayòm-la ké fè
    Ou pé ni tchè-kontan pou touttan ! (On étid biblik ki ké fè-w dibyen)
    • Lèson 33. Moun ki ka viv adan paradi-la asi latè.

      LÈSON 33

      Sa Wayòm-la ké fè

      Wayòm a Bondyé ja ka gouvèné an syèl-la. Talè, i ké mèt on lòd asi latè, é sa ké pòté onlo bon biten. An-nou pran tan gadé sa.

      1. Kijan wayòm a Bondyé kay menné lapé é lajistis asi latè ?

      Sé Jézi ki wa adan wayòm a Bondyé. Adan on lagè yo ka kriyé Awmagédon, i ké détwi tout sé moun méchan la é sé mové gouvènman-la (Révélasyon 16:14, 16). Lè sa ké fèt, pwomès-la ki maké an Sòm 37:10 ké réyalizé : « On titak tan ankò, é sé méchan-la pé ké la ankò ». Jézi ké sèvi èvè Wayòm-la pou mèt lapé é lajistis toupatou asi latè (li Izayi 11:4).

      2. Kijan lavi ké yé lè volonté a Bondyé ké fèt asi latè ?

      Mi sa Labib ka di : « Moun ki jis, latè sé ké ta yo, é yo ké viv anlè-y pou touttan » (Sòm 37:29). Sa ké fèt lè wayòm a Bondyé ké ka gouvèné. Imajiné-w ! Toutmoun ké ka aji èvè jistis é anplisdisa, toutmoun ki asi latè ké enmé Jéova, é yo ké enmé pwochen a yo. Ponmoun pé’é tonbé malad ankò, é nou ké viv pou touttan.

      3. Ka wayòm a Bondyé ké fè lè i ké fin bat èvè sé méchan-la ?

      Lèwvwè sé méchan-la ké disparèt, Jézi ké gouvèné pannan 1000 an. Pannan péryòd-lasa, Jézi é sé 144000 la ké édé lézimen vin pawfè. Lè sé 1000 lanné-la ké bout, latè ké vin on bèl ti paradi. Toutmoun ké ni tchè-kontan pas yo ké ka fè volonté a Jéova. Aprésa, Jézi ké woumèt Pap’a-y Wayòm-la. ‘Non a Jéova ké vin sen’ kon sa poto’o jen fèt (Matyé 6:9, 10). Toutmoun ké pé vwè an dé zyé a yo kè Papa Jéova sé on bon dirijan ki ka pran swen dè pitit a-y. Pou fin, Jéova ké détwi Satan, sé démon-la, é tout moun ki chwazi ba-y do (Révélasyon 20:7-10). Tout sé bon biten-la Wayòm-la ké pòté la ké diré pou touttan.

      AN-NOU FOUYÉ PI FON

      Nou pé sèten kè Bondyé ké sèvi èvè Wayòm-la pou i pé sa akonpli sa Labib ka pwomèt pou dèmen. An-nou vwè sa.

      4. Wayòm a Bondyé ké fin bat èvè tousélézòt gouvènman-la

      « Lòm ka dominé lòm pou fè-y soufè » (Éklézyas 8:9). Ni onlo enjistis asi latè. Grasa wayòm a-y, Jéova ké mèt on lòd adan tousa.

      Li Danyèl 2:44 é 2 Tésalonisyen 1:6-8, é fè on ti kozé asi sé kèsyon-lasa :

      • Ka Jéova é Jézi ké fè èvè tout sé gouvènman-la é sipòtè a yo ?

      • Dapré sa ou aprann asi Jéova é Jézi, poukwa ou sèten yo ké aji on mannyè ki jis ?

      Jézi an syèl-la antankè Wa. I ka gouvèné latè ki divini on paradi.

      5. Jézi sé méyè wa-la ki tini la

      Jézi ké édé toutmoun ki asi latè. I ké fè-yo dibyen toubònman ! Gadé VIDÉO-la, konsa ou ké vwè kè Jézi ja montré kè i anvi édé moun é kè anplisdisa, Jéova ba-y pouvwa pou i pé fè sa.

      VIDÉO : Jézi montré sa Wayòm-la ké fè (1:13)

      Lè i té si latè, Jézi bay on lidé asi sa Wayòm-la ké fè. Pawmi tout sé pwomès-la ki pi ba la, kilès adan yo ou té’é anvi vwè an dé zyé a-w ? Pou chak sé pwomès-lasa, li sé vèwsé-la ki kay èvè yo la.

      ASI LATÈ, JÉZI...

      ÉTAN AN SYÈL-LA, JÉZI KÉ...

      • rézoud tout ti pwoblèm ki ka malmenné latè (Izayi 35:1, 2).

      • ba moun manjé kon tilili (Sòm 72:16).

      • ba toutmoun on santé ki pawfè (Izayi 33:24).

      • résisité lémò, é i ké fè lanmò disparèt (Révélasyon 21:3, 4).

      6. On bèl landèmen grasa wayòm a Bondyé

      Grasa Wayòm-la, Jéova ké fè sa i té prévwa odépa pou lézimen. Yo ké viv pou touttan asi latè adan on paradi. Jéova ké sèvi èvè Jézi pou réyalizé pwojé a-y. Gadé VIDÉO-la pou vwè sa.

      VIDÉO : Dèmen, vi an nou ké bèl toubònman ! (4:38)

      Li Sòm 145:16 é fè on ti kozé asi kèsyon-lasa :

      • Jéova ké « rasazyé anvi a tousa ki ka viv ». Ka ou ka rèsanti lè ou ka réfléchi asi lidé-lasa ?

      MI SA MOUN KA DI : « Si noutout ka travay ansanm-ansanm, ni mwayen réglé tout pwoblèm a limanité. »

      • Ni onpakèt pwoblèm asi latè é sé wayòm a Bondyé tousèl ki ké pé réglé-yo. Ki pwoblèm ésa ?

      ON TI RÉZIMÉ

      Wayòm a Bondyé ké fè tousa Bondyé ka atann dè-y. I ké fè latè vin on paradi, é sèwvitè a Jéova ké viv adan-y pou touttan.

      Ka ou woutyenn

      • Kijan wayòm a Bondyé ké fè non a Jéova vin sen ?

      • Tout sé pwomès-la ki an Bib-la ké akonpli grasa wayòm a Bondyé. Poukwa ou pé sèten dè sa ?

      • Adan tout sé pwomès-la wayòm a Bondyé ké réyalizé la, ka ou présé vwè ?

      On biten ou pé éséyé fè

      AY GADÉ SA OSI

      Ka sa vlé di Awmagédon ?

      « Lagè a Awmagédon, ka sa yé ojis ? » (on awtik ki asi jw.org)

      Gadé sa ki ké fèt pannan péryòd-la Jézi kriyé « gwo tribilasyon-la » (Matyé 24:21).

      « Ka ki gwo tribilasyon-la ? » (on awtik ki asi jw.org)

      On fanmi ka imajiné jan vi a-y ké bèl an paradi-la.

      Imajiné-w adan Paradi-la (1:50)

      On boug ki té ka milité kont gouvènman a péyi a-y touvé répons a kèsyon i té ka pozé-y. I ka èspliké sa adan awtik-la « J’étais tourmenté par de nombreuses questions ».

      « La Bible transforme des vies » (Tou dè Gad a 1é janvyé 2012 an fransé)