Ti konsèy a mwa-lasa

Ou pé sèvi èvè piblikasyon ki fèt pou fè rèchèch ki adan BIBLIYOTÈK ANLÈ ENTÈWNÈT a Lawatchtower

Sé piblikasyon-la nou ni la ki fèt pou fè rèchèch pé aprann-nou onlo biten asi plizyè sijé diféran. Nou ka touvé-yo adan bibliyotèk an nou ki asi Entèwnèt. Nou ni Zouti pou Témwen a Jéova fè rèchèch an kréyòl é an fransé nou ni Lexique de La Bible. Traduction du monde nouveau, Étude perspicace des Écritures, Guide de recherche pour les Témoins de Jéhovah, é Index des publications des Témoins de Jéhovah.

Adan BIBLIOTHÈQUE EN LIGNE Watchtower nou pé sèvi èvè « Rechercher » pou ay adan sé piblikasyon-lasa pi fasilman. Si mo-la oben èksprésyon-la nou ka chèché la adan yonn adan sé piblikasyon-lasa, i ké parèt adan sé pwopozisyon-la yo ka fè-w la anba ti karé-la ki fèt pou fè rèchèch-la. Ou ké vwè « Ouvrages de référence » adwat a sé pwopozisyon-la yo ka fè-w la lè ou ka maké mo-la adan « Rechercher ».

Mi sa pou-w éséyé : Koumansé maké mo-la « Jéhovah » adan ti karé-la ki fèt pou fè rèchèch-la (A). Aprésa, adan sé pwopozisyon-la yo ka fè-w la, ou ké vwè mo-la « Jéhovah ». Lè ou ké gadé, ou ké vwè kè yo maké « Ouvrages de référence » (B) akoté a-y, é a moman-lasa, pijé asi-y. Ou ké ni plizyè rézilta ki ka vin dè sé piblikasyon-la ki fèt pou fè rèchèch-la.