Mi sa ki rivé an prédikasyon

An-nou aji èvè konpasyon épi toutmoun

On jou, on sè ki ka rété an Nouvèlzéland gadé on vidéo asi jw.org non a-y sé « Soucions-nous les uns des autres ». Vidéo-lasa ka montré kè a pa rèsanti Jéova ka rèsanti konpasyon tousèl pou moun, men sa ka pousé-y fè on biten pou édé-yo (Iz. 63: 7-9). Sè-la désidé mèt sa i aprann an vidéo-la an pratik. Pou sa, i gadé pou vwè ki biten itil i té’é pé fè pou moun ki alantou a-y. Tibwen plita an jouné-la, i ay fè kous é i jwenn on madanm ki pa té ni kaz é ki té oblijé dòmi an lari-la. Sè-la pwopozé madanm-la achté manjé ba-y é madanm-la aksèpté. Lèwvwè sè-la viré èvè manjé-la, i pwofité pou palé dè Labib èvè madanm-la. Pou sa, i sèvi èvè trak-la Ès soufrans ké fin ou jou ?

Madanm-la mèt pléré atè. I èspliké sè-la kè pap’a-y é manman-y té Témwen a Jéova é kè yo té lévé-y adan lavérité. Men té ja ni lanné é lanné i té lagé lavérité. É dépi déotwa tan, i té ka priyé Jéova pou mandé-y édé-y pou i pé sa wouvin owa a-y. Sè-la ba-y on Bib é i pwopozé-y étidyé Labib èvè-y. Madanm-la aksèptéa.

Menmjan ki Jéova, an-nou aji épi konpasyon èvè lézòt. Sa valab pou bon moun an nou é pou frè é sè an nou osi. On mannyè nou pé fè sa sé lè nou ka chèché tout ti lokazyon pou nou palé dè Jéova alantou an nou.